| e-texts navigator |
| Wylie |
215a1 གཡོ་མཆོག་གི་ཐུགས།། རང་བྱུང་རིག་པ་མཆོག་ཏུ་གསལ།། སྤྲོས་མེད་ཉི་མའི་འོད་བརྡལ་བས།། ཡེ་ཤེས་སྣང་བས་ཕྱོགས་བཅུར་གསལ།། ཅིར་ཡང་འཛིན་པ་མི་མངའ་བས།། མཐའ་ཡི་སྤྲོས་པ་རྣམ
215a2 པར་བཅད།། རྣམ་རྟོག་ཕྲ་རགས་གང་སྐྱེས་ཀྱང་།། མ་སྐྱེས་སེམས་ཀྱི་ཁྱད་པར་ལས།། ཇི་ལྟར་གསལ་ཡང་ངོས་བཟུང་མེད།། དེ་ལྟར་རང་སྣང་ཉིད་ཁོ་ནའོ།། འདུ་ཤེས་མི་འཇུག་ཡུལ་མི་ཚོལ།། གང་ལྟར་གནས་པ
215a3 དེ་ལྟར་བདེ།། རྟེན་མི་བཅའ་ཞིང་རོ་མི་མྱང་།། འོད་གསལ་བདེ་བའི་རོ་ལ་བཞུགས།། ནམ་མཁའ་བདུད་རྩི་མཆོག་གི་རོ།། གསལ་བར་གནས་པའི་འོད་ཀྱིས་འཐུངས།། གཏད་འཛིན་བྲལ་བའི་སེམས་ཀྱིས
215a4 འཇུག། ཡེ་ཤེས་རླུང་གི་དོན་ལ་རྟོག། ཅེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། རང་གསལ་དགོད་པ་དང་བྲལ་བའི་ལེའུ་སྟེ་བཅུ་གསུམ་པའོ།། །། དེ་ནས་སེམས་དཔའ་རྡོ་རྗེ
215a5 སྙིང་པོ་དེས་འདི་སྐད་ཅེས་གསོལ་ཏོ།། ཀྱེ་མ་དུས་གསུམ་རྒྱལ་བ་ཡིས།། རིག་པ་འགྱུར་མེད་ཐུགས་ཀྱི་གཏེར།། རང་བྱུང་རིག་པའི་རྩལ་རྫོགས་པས།། མ་བསྐུར་རང་གསལ་དབང་ལ་བཞུགས།། མགོན་པོ་ཁྱོད་ལ
215a6 གསོལ་བ་ནི།། ནམ་མཁའི་རོ་ཡི་ཆུ་འཐུངས་ཤིང་།། རྒྱལ་ཐབས་སྤྱི་བླུགས་ཚངས་པའི་དབང་།། བདག་ཅག་རྣམས་ལ་བཤད་དུ་གསོལ།། ཞེས་ཞུས་སོ།། དེ་ནས་དེ་བཞིན་གཤེགས་པ་རྡོ་རྗེ་སེམ་དཔའ་ཆེན་པོས
iiif viewer powered by OpenSeadragon
