| e-texts navigator |
| Wylie |
214a1 དབྱིངས་སུ་སྦས།། མཁྱེན་རིག་ཡེ་ཤེས་དུས་གཅིག་འཆར།། བསམ་གཏན་རང་བྱུང་རང་གསལ་བདག། ཡེ་ནས་རང་གསལ་གཅིག་ལ་ཚོགས།། འཛིན་མེད་ནམ་མཁའི་འོད་ལྟར་བརྡལ།། རྨད་བྱུང
214a2 རོལ་བའི་ཐུགས་སུ་ཤར།། བཅོས་མེད་རང་གསལ་དཀྱིལ་འཁོར་གསུམ།། མ་བཅོས་རང་གསལ་བདེ་བའི་ངང་།། རིག་པའི་ལུས་ཏེ་གཟུགས་དང་བྲལ།། གསལ་ལ་མི་གཡོ་འབྱུང་འཇུག་མེད།། བཏང་སྙོམས་གང
214a3 དུའང་མི་གནས་ཏེ།། ནམ་མཁའ་ཁྱབ་པར་མི་རྟོག་གསལ།། འཛིན་པ་མེད་པའི་ཡེ་ཤེས་ནི།། ཕྱོགས་མེད་ཁྱབ་པར་རང་བཞིན་གསལ།། མི་གཡོ་ཏིང་འཛིན་མཆོག་གི་སྐུ།། རང་རིག་བྱང་ཆུབ་ལུང་ཐོབ
214a4 པས།། འབྱུང་འཇུག་མེད་པར་ཀླུང་དུ་ཞུགས།། གསལ་བ་ཉི་མའི་སྙིང་པོ་ལྟར།། བརྗོད་མེད་དོན་གྱིས་གཏན་ལ་ཕབ།། རང་གིས་མཚོན་པས་རང་གིས་གོ། བརྗོད་བྲལ་རིག་པ་དང་ཚེ་སྒྲ།། རྣ་བས་མི་ཐོས་སེམས
214a5 ཀྱིས་ཐོས།། ཆུ་ལ་ཆུ་ལྟར་རིག་པའི་དོན།། མ་བཙལ་མཉམ་གཞག་ཉིད་ཀྱིས་གོ། རྣམ་རྟོག་མི་བསམ་ཡུལ་ལས་འདས།། རྒྱུ་རུ་སྦས་པའི་དོན་དེ་ཉིད།། རང་བྱུང་རང་གསལ་ཐབས་ཉིད་ཀྱིས།། ཡུལ་མེད་ཡེ་ཤེས
214a6 ཉིད་ཀྱིས་གསལ།། རང་བཞག་རིག་པའི་དོན་ལ་དགོངས།། སྣང་བར་མི་རྟོག་སྙིང་པོར་གསལ།། དྲན་རིག་མེད་པའི་ཚུལ་ཉིད་ཀྱིས།། འཇུག་མེད་རིག་པའི་ཚུལ་གྱིས་གསལ།། རང་གསལ་ཐབས་ཀྱི་མེ་ལོང
iiif viewer powered by OpenSeadragon
