| e-texts navigator |
| Wylie |
213a1 འབྱོར་རིག་པའི་ཁྱད་པར་ལ།། ས་དང་ལམ་ཞེས་བརྗོད་པ་ལས།། དངོས་པོ་ཡེ་ཤེས་རང་སྣང་ལ།། ས་དང་ལམ་ལ་བགྲོད་པ་མེད།། བསམ་པའི་ཁྱད་པར་ཅི་ཙམ་པ།། དེ་དང་དེ་ཡི་ཚུལ་བཟུང
213a2 ནས།། འགྲོ་བ་འདྲེན་པའི་ཐབས་བསྟན་ཏེ།། དངོས་ལ་འོད་གསལ་རིག་པའི་མཁའ།། རང་རིག་འདྲེན་པ་མཆོག་གི་སྐུ།། ཀུན་འདུས་གསང་བ་དབྱིངས་ཉིད་ལུང་།། མ་བསལ་བཅོས་མེད་སྙིང་པོ་ལ།། གདོད་ནས
213a3 དག་པས་གཉེན་པོ་མེད།། ཅེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། སྤྱོད་པ་རིག་པའི་ཁྱད་པར་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་སེམས་དཔའ་རྡོ་རྗེས་འདི
213a4 སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད་ཀྱི། རང་གསལ་ཡེ་ཤེས་མེ་ལོང་ཁྱོད།། གདོད་ནས་བྱང་ཆུབ་སྙིང་པོར་བཞུགས།། བཅོས་མེད་རིག་པའི་ངང་ལ་གནས།། མགོན་པོ་ཁྱོད་ལ་གསོལ་པ
213a5 ནི།། སྤྲོས་མེད་རིག་པའི་རང་བཞིན་ལ།། དཀྱིལ་དང་འཁོར་དུ་དབྱེར་མེད་ཀྱང་།། དེ་ཡི་ཚུལ་འདི་བཤད་དུ་གསོལ།། ཞེས་ཞུས་སོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས
213a6 སོ།། ཀྱེ་སེམས་དཔའ་ཆེན་པོ།། ནམ་མཁའི་མཐའ་དང་མཉམ་པའི་རྒྱུད།། ཀུན་འདུས་རིག་པ་སེམས་ཀྱི་ལུང་།། བཅོས་མེད་རིག་པ་དོན་གྱི་གཏེར།། འཕོ་འགྱུར་མེད་པའི་དབྱིངས་ཉིད་དང་།། རིག་པ་མཆོག་གི
iiif viewer powered by OpenSeadragon
