| e-texts navigator |
| Wylie |
212b1 འོད་བཞིན་གནས།། འཇུག་པ་ཚིག་གི་ཁྱད་པར་གྱིས།། གཉིས་མེད་དོན་གཅིག་བསྟན་པར་ཟད།། རང་སྣང་རིག་པ་འཕྲུལ་གྱི་དམིག། ཕྲད་པ་མེད་པར་རང་བཞིན་འཆར།། བཅོས་མེད་དེ་ལྟར་རང་བཞག།
212b2 ན།། རྟོགས་པ་རབ་འབྱམས་ཉིད་དུ་འཆར།། རང་རིག་ཡེ་ཤེས་ཐབས་མེད་པར།། ཞེན་པའི་ཆགས་སྡང་ཀུན་སྤྱོད་པས།། རྡོ་རྗེའི་ཁབ་ཏུ་ལྟུང་གྱུར་ནས།། བྱང་ཆུབ་སེམས་ཀྱི་རིགས་དང་བྲལ།། དངོས་པོ་ཀུན་བྲལ
212b3 ཡེ་ཤེས་ལ།། ཕྱོགས་དང་རིས་སུ་མི་གནས་ཏེ།། ཆགས་སྡང་བྲལ་བའང་མི་སྤྱོད་ན།། ཆགས་སྡང་སྤྱོད་པ་སྨོས་ཅི་དགོས།། ངེས་པར་ལྟུང་བར་གྱུར་ནས་ནི།། ཐེག་ཆེན་རིགས་དང་རྟེན་བྲལ་ནས།། ཐར་པའི་རིས་སུ
212b4 འགྱུར་མི་སྲིད།། ཡེ་ཤེས་གསལ་བའི་སྤྱོད་པ་ཡིས།། ཅི་སྤྱད་བྱང་ཆུབ་སེམས་སུ་གསལ།། འོད་གསལ་ཆོས་སྐུ་རིག་པའི་ངང་།། བཙལ་མེད་དེ་དག་ཐོབ་པར་འགྱུར།། ཡེ་ཤེས་རང་གསལ་དོན་དང་ཕྲད།། འཁོར་བ
212b5 སངས་རྒྱས་ལམ་དུ་མཁྱེན།། རང་བྱུང་ཡེ་ཤེས་འོད་དུ་འབར།། རྩོལ་མེད་བྱིན་རླབས་ངང་གིས་འཆར།། ནམ་མཁའ་དབྱིངས་ཀྱི་གཏེར་འཛིན་ཅིང་།། རང་གསལ་རིག་པའི་འོད་ལ་བཞུགས།། ཕྱོགས་མེད་རིག
212b6 པའི་ཐུགས་རྗེ་ཡིས།། མཁའ་ལྟར་དག་ཅིང་ཀུན་ལ་འཆར།། བཅོས་མེད་རང་བཞག་དོན་ཐོབ་ནས།། ཡེ་ཤེས་བླ་མའི་ས་གནོན་ཏེ།། ཆེ་བའི་ཡེ་ཤེས་ཀུན་རྫོགས་པས།། མ་བགྲོད་ས་རྣམས་དུས་གཅིག་ནོན།། རྣལ
iiif viewer powered by OpenSeadragon
