| e-texts navigator |
| Wylie |
211b1 འཁོར་བར་ལྟུང་།། དངོས་ལ་གཉིས་པ་མི་གནས་ན།། བསམ་པའི་འདུ་ཤེས་ཅི་ལ་འཇུག། དེ་དག་མཐའ་ལ་རྩོད་པ་ཡིན།། དངོས་ལ་རྩོད་པ་ཀུན་དང་བྲལ།། རྗེས་འཇུག་རིག་པའི་རྣལ་འབྱོར་གྱིས།། རང་གསལ
211b2 རིག་པའི་དོན་ལ་ཞུགས།། ཐུགས་རྗེའི་མཛད་པ་ཀུན་ལ་བརྡལ།། འདོད་དོན་རིན་ཆེན་ལྟ་བུར་འབྱིན།། མཛད་པའི་བྱིན་རླབས་བསམ་མི་ཁྱབ།། མཁྱེན་པ་ཡེ་ཤེས་ཉིད་དུ་འཆར།། འགྲོ་ལ་ཕན་འདོགས་ཀུན་ལ
211b3 སྙོམས།། ཀུན་ཀྱང་འོད་གསལ་བདེ་བར་གཟིགས།། གཡོ་མེད་རིག་པའི་བྱིན་རླབས་ནི།། འབྱུང་འཇུག་མེད་པའི་ཡོངས་ལ་བརྡལ།། རྒྱ་མཚོ་རྐྱེན་གྱིས་བསྐུལ་བ་ལྟར།། ཀུན་ཏུ་སྣང་ཞིང་ཉིད་དུ་འདུས།། ཤེས་རིག
211b4 ཀུན་ལྡན་མཁྱེན་པའི་ངང་།། ཐུགས་རྗེའི་ངང་ལས་མི་འདའ་བས།། ཇི་ལྟར་འཚམས་པ་དེ་ལྟར་བསྟན།། མེ་དང་ཚ་བ་ཇི་བཞིན་ནོ།། ཐུགས་རྗེ་མེད་པའི་རྒྱལ་བ་དང་།། གསལ་རིག་མེད་པའི་ཡེ་ཤེས་ནི།། བེམ་པོ
211b5 དོན་མེད་འབྲས་བུ་ལས།། རྙེད་ཀྱང་ངལ་བ་དོན་མེད་ཡིན།། ཐམས་ཅད་རང་གསལ་ཡེ་ཤེས་ལ།། གཉིས་མེད་འདུ་ཤེས་མི་མངའ་ཡང་།། བྱིན་རླབས་ཉི་མའི་འོད་བཞིན་དུ།། འགྲོ་འོང་མེད་པར་ཁྱབ་པར
211b6 གད་ལ།། དེ་ཉིད་ཐུགས་རྗེ་མ་ཡིན་པའི།། ཆོས་ནི་གནས་པར་མི་སྲིད་དོ།། ནམ་མཁའ་ས་ཆུ་མེ་དང་རླུང་།། འདོད་ལྔ་བདེ་དང་འདོད་ཡོན་ཀུན།། ཐུགས་རྗེའི་བྱིན་རླབས་བསམ་མི་ཁྱབ།། གང་ཞིག་ཕན་འདོགས
iiif viewer powered by OpenSeadragon
