| e-texts navigator |
| Wylie |
211a1 ཤེས་ལ།། བརྙན་མའི་རྟག་ལ་རྟེན་འདོད་པ།། གླང་པོ་རྙེད་ནས་རྗེས་འཚོལ་འདྲ།། གཉིས་མེད་ངང་ལ་གཉིས་སུ་འདོད།། རང་གསལ་དང་ལ་གཞན་གྱིས་བསླད།། རང་རིག་གཉིས་ཀྱི་མཚན་བྲལ
211a2 ལ།། ཞེན་པས་དེ་ཉིད་མ་རྟོགས་པས།། ཁམས་གསུམ་རྒྱུད་དྲུག་གནས་སུ་འཁོར།། མངོན་སུམ་རིག་པས་ཉམས་མྱོང་བ།། ལུང་དང་རིགས་པ་རྗེས་དཔག་གིས།། མི་རྟོག་རང་གསལ་དོན་ལ་བསྒྲིབས།། དེ་ཡིས་དེ
211a3 ལ་རྟོག་པའི་རྒྱུན།། ཡེ་ཤེས་གསལ་བའི་ངང་ཉིད་ལས།། ཐུགས་རྗེ་ནམ་མཁའི་མཐའ་ལྟར་བརྡལ།། ཐུགས་རྗེ་ཆེན་པོ་ཉི་འོད་ལྟར།། འགྲོ་འོང་མེད་པར་རང་བཞིན་འཆར།། ཇི་ལྟར་གང་འདུལ་དེ་དག་ལ།། སྟོན་པ
211a4 ཡིད་བཞིན་ནོར་བུ་ལྟར།། ཀུན་ལ་མཐུན་པར་མི་སྣང་ན།། སྐྱོབ་པའི་ཐུགས་རྗེ་ཡལ་ལམ་ཅི།། གང་ཕྱིར་དེ་ལྟར་མི་འབྱུང་ན།། རྣམ་པ་ཀུན་མཁྱེན་མིན་པ་དང་།། ཕན་འདོགས་ནུས་པ་མེད་པ་དང་།། ཐུགས་རྗེའི
211a5 མཛད་པ་རྒྱུན་ཆད་དང་།། ཞི་བ་ཕྱོགས་ཐིམ་སྐྱོན་དུ་འགྱུར།། འགག་མེད་ཐུགས་རྗེའི་མཛད་པ་ལ།། འབྱུང་དང་མི་འབྱུང་གང་རྟོག་པ།། རིན་ཆེན་འབར་བའི་འོད་ཀྱང་ནུབ།། འཁོར་བའི་ལྕགས་ལས་ཐར་བ
211a6 མེད།། རྣམ་རྟོག་མཚན་མའི་འདམ་དུ་ཟིན།། རྡོ་རྗེའི་ཁབ་ནས་ཐར་པ་མེད།། གཉིས་མེད་ཡེ་ཤེས་གསལ་བ་ལ།། མཚན་མའི་འཛིན་པ་མི་གནས་ན།། གཞི་དང་ཀུན་བརྟགས་གཉིས་འདོད་པ།། ལོག་པའི་ལམ་པ
iiif viewer powered by OpenSeadragon
