| e-texts navigator |
| Wylie |
210b1 གནས།། མ་བཀག་ཐབས་ཀྱི་མེ་ལོང་ལ།། ཕྱོགས་རིས་མེད་པས་ཅིར་བལྟས་གསལ།། ནམ་མཁའ་མི་བཟུང་བསམ་དང་བྲལ།། དམིགས་མེད་གཏད་མེད་ཡིད་མི་འཇུག། ཡུལ་ལ་མི་གནས་ཤེས་པ་མིན།། གཉིས
210b2 ཀ་མ་ཡིན་སྤྲོས་དང་བྲལ།། འཛིན་པ་མི་འཇུག་གཉིས་འཛིན་མེད།། ཡེ་ཤེས་གསང་བའི་ངོ་བོ་ལ།། མཚན་མ་མེད་དོ་རང་གསལ་དབྱིངས།། སྣང་བ་ཡེ་ཤེས་རང་གསལ་ལ།། དགག་བསྒྲུབ་མེད་པ་རང་གི
210b3 དབྱིངས།། རང་གསལ་འོད་ལ་མི་གནས་ན།། མཚན་མའི་སྤྱོད་པ་ཅི་སྤྱད་ཀྱང་།། རང་ས་ལྟོས་པའི་འབྲས་བུ་ལ།། མ་བཙལ་རང་གསལ་བདེ་ཆེན་བྲལ།། བཅིངས་མེད་ཡོངས་རྫོགས་རིག་པའི་ལམ།། བགྲོད་དུ་མེད
210b4 དོ་ཡེ་སངས་རྒྱས།། ཕྱོགས་རིས་མེད་པའི་ཡེ་ཤེས་ལ།། གཉིས་མེད་གཅིག་པའི་མཐའ་དང་བྲལ།། ཟུང་འཇུག་འོད་གསལ་བདེ་ཆེན་ལ།། གཉིས་དང་གཅིག་པའི་འཛིན་པ་མེད།། མཐའ་བྲལ་ནམ་མཁའི་རྡོ་རྗེ
210b5 ལ།། འགྱུར་མེད་ཡེ་ཤེས་རང་བཞིན་གསལ།། ཇི་བཞིན་རིག་པའི་རྣལ་འབྱོར་ལ།། རྩོལ་དང་བཅས་པའི་རྣལ་འབྱོར་མེད།། རིག་པ་ཀླུང་ཞུགས་བདེ་བའི་ངང་།། ཅིར་གསལ་མི་རྩོལ་རིག་པའི་མཆོག། འབྱུང་འཇུག
210b6 མེད་དེ་དབྱིངས་ལ་གསལ།། བརྒྱུད་པ་ཐབས་ཀྱི་མེ་ལོང་གིས།། རང་གསལ་དོན་ལ་མཚོན་བྱས་ནས།། གཉིས་མེད་ཡེ་ཤེས་ཞེས་བརྗོད་པ།། རང་གསལ་མ་ཡིན་གཞན་གསལ་མིན།། མངོན་སུམ་རང་གསལ་ཡེ
iiif viewer powered by OpenSeadragon
