| e-texts navigator |
| Wylie |
210a1 གསུང་ཐུགས་ཀྱི་གསང་བ་འཆང་།། སྤྲོས་བྲལ་མཉམ་ཉིད་རིག་པའི་གཏེར།། གཉིས་མེད་རང་གསལ་བཅོམ་ལྡན་འདས།། མགོན་པོ་ཁྱོད་ལ་གསོལ་བ་ནི།། རྣལ་འབྱོར་བྱ་བྲལ་རྫོགས་ལུང
210a2 ལ།། གཉིས་པའི་འདུ་ཤེས་མེད་མོད་ཀྱང་།། སྤྱོད་པའི་ཁྱད་པར་གསུང་དུ་གསོལ།། ཞེས་གསོལ་ཏོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན
210a3 པོ།། གཉིས་མེད་རང་བྱུང་ཡེ་ཤེས་ལ།། གཉིས་ཀྱི་འདུ་ཤེས་མི་འཇུག་ཀྱང་།། འཇུག་པ་ཐབས་ཀྱི་སྒོ་མཚོན་ཕྱིར།། སྤྱོད་པ་རྣམ་པར་བཤད་པར་བྱ།། ནམ་མཁའི་དབྱིངས་ཀྱི་རྗེས་འགྲོ་ཞིང་།། ཐབས་ལྡན་མི་འགག
210a4 དེ་ཉིད་དེ།། ཐུགས་རྗེ་མཛད་པའི་བྱིན་བརླབས་བརྡལ།། ཡོན་ཏན་ནམ་མཁའི་མཐའ་དང་མཉམ།། ཐམས་ཅད་རང་གསལ་མ་བཅོས་ལ།། རྣམ་རྟོག་འཛིན་པའི་དྲི་མ་མེད།། མི་འབྱུང་མི་འཇུག་ཡུལ་དང
210a5 བྲལ།། གསལ་ལ་མི་རྟོག་འཛིན་པ་མེད།། ནམ་མཁའི་རྡོ་རྗེའི་སྤྱོད་པ་ལ།། རྣམ་རྟོག་མི་མངའ་ཅིར་མི་དགོངས།། མ་བཙལ་རང་བཞག་དགོངས་པ་ལ།། འཛིན་པའི་དྲི་མ་གདོད་ནས་དབེན།། རྣམ་དག་གསལ་བའི
210a6 ཡེ་ཤེས་ལ།། གང་དུའང་མ་ཡིན་ཁྱབ་པར་གསལ།། རང་བཞིན་འོད་གསལ་བདེ་བའི་དབྱིངས།། འཛིན་པ་མི་འཇུག་དབྱིངས་མི་འཚོལ།། རང་གསལ་རིག་པ་རང་ལ་འདེབས།། མི་བསྐུལ་མི་རྟོག་ཅིར་མི
iiif viewer powered by OpenSeadragon
