| e-texts navigator |
| Wylie |
20b1 ཆོད།། རྩོལ་ཆོད་དབུ་མའི་ལྟ་བ་ཡིན།། གཉིས་མ་གྲུབ་པས་དབུས་མ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། རྩའི་སྟོང་ར་དང་རྟོག་པའི་ཀུན་བརྟགས་ནམ་མཁའ་དང་བསྲེ་བའི་ལེའུ་སྟེ་བཅོ
20b2 ལྔ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། རྩ་རྒྱུད་བསམ་གྱིས་མི་ཁྱབ་པར།། ཐབས་ལམ་བསམ་གྱིས་མི་ཁྱབ་སྟེ།། ཟག་བཅས་ཆགས་པའི་ལམ་དང་ནི།། དེ་ཉིད
20b3 གྲོལ་བའི་ལམ་དུ་འདུས།། གྲོལ་བའི་འབྲས་བུ་ཁྱད་པར་ཆེ།། ཐེག་པ་རང་གཞུང་གྲོལ་བ་དང་།། མཐར་ཟུག་པ་ཡི་གྲོལ་བ་གཉིས།། མིང་ཙམ་འདྲ་སྟེ་དོན་ལས་འཕགས།། འཕགས་པ་ཀུན་དགའ་ཤཱཀ་ཐུབ
20b4 ལྟར།། འཁོར་དང་སྟོན་པའི་ཁྱད་པར་ཡོད།། དེ་ཕྱིར་ཟག་བཅས་ཟག་མེད་རྩ།། རྒྱུ་དང་འབྲས་བུའི་ཁྱད་པར་ཡོད།། དེ་དོན་མ་རྟོགས་ཨ་རེ་འཁྱམས་ཤིང་ཅེ་རེ་ལོང་།། ཐར་པའི་ལམ་ཆེན་བོར་ནས་འཁོར་བའི་ལམ
20b5 དུ་ཞུགས།། ལམ་འདིར་ཞུགས་པ་རྣམས་ཀྱིས་ཟག་མེད་འབྲས་བུ་ཐོབ།། གཞི་ཡི་རྩ་ལྔ་ལྷུན་གྱིས་གྲུབ།། ལམ་དུ་དེ་ཉིད་རྟོགས་པ་མཆོག། འབྲས་བུ་རང་གྲོལ་ཟག་མེད་དེ།། རྩ་རྣམས་མ་བཙལ་རྫོགས་པས
20b6 ན།། རྫོགས་པ་ཆེན་པོའི་རྩ་རླུང་རྫོགས།། རྫོགས་ནས་ལམ་བྱེད་མི་འགལ་ཏེ།། གཞི་དང་དངོས་པོ་གཉིས་སུ་ཤེས།། དེ་ཡི་ལྡོག་ཆས་སྐྱོན་མི་འབྱུང་།། གྲོལ་བའི་གཞི་དང་གྲོལ་བ་དངོས།། རྫོགས་པའི་གཞི་དང
iiif viewer powered by OpenSeadragon
