| e-texts navigator |
| Wylie |
20a1 མཚན་ཉིད་ནི།། སྲོག་པ་རྩ་ཡི་འོག་ན་ཡོད།། ཡར་ལ་ཚངས་པ་མར་ལ་གསང་བའི་གནས།། ཚད་ནི་སྒྲ་ལྕགས་འབྲིང་པོ་ཙམ།། ལུས་པོ་སྟོང་ར་སྟོང་པར་སྦྱང་།། ཀུན་གྱི་བརྟགས་པས་དངོས་པོ
20a2 སྦྲསྤང་།། ཀུན་བརྟགས་སྟོང་ར་ཞེས་ཀྱང་བྱ།། དེ་འོག་ཨ་ཝ་དྷ་ཏིའི་ནང་།། ཀུན་ནི་རྩ་རྣམས་ཐམས་ཅད་ཀུན།། བརྟགས་པ་ཨ་ཝ་དྷ་ཏི་སྟོང་།། ཀུན་བརྟགས་སྟོང་ར་སྦྱོང་བ་ཡིན།། ཀུན་ནི་ཨ་ཝ་དྷ་ཏི་ལ།། བརྟགས
20a3 པས་དྷཱ་ཏི་ནང་སྟོང་པ།། ཀུན་བརྟགས་སྟོང་ར་སྦྱོང་བ་དང་།། དབུགས་ནི་ནང་སྒོར་མི་རྒྱུ་སྟེ།། ཤེས་པ་ཨ་ཝ་དྷཱ་ཏིར་ཚུད།། དྷཱ་ཏི་སྟོང་པ་ནམ་མཁའ་ཡིན།། ཤེས་པ་སྟོང་པར་བཏགས་པ་ཡིན།། ནམ་མཁའ་ཤེས
20a4 པ་འདྲེས་ཙ་ན།། རྟོག་པ་མེད་ཅིང་སྤྱོད་པ་མེད།། སྐྱེ་བ་མེད་ཅིང་བརྗོད་དུ་མེད།། རབ་ཏུ་མི་གནས་ལྟ་བ་ཡིན།། དེ་ཡང་བརྟན་པར་མ་གྱུར་ན།། སོ་སོར་བསྡུས་ཏེ་བརྟན་པར་བྱ།། ཤེས་པ་ཨ་ཝ་དྷཱ་ཏི་རུ།། ཡར་ཟད
20a5 མར་ཟང་སྦྱངས་བྱས་ལ།། ཚངས་པའི་བུ་གའི་ཟད་ཀ་ལ།། ནམ་མཁའི་རང་བཞིན་སྟོང་པར་ཤེས།། ཤེས་པ་དྷཱུ་ཏིའི་ནང་གནས་སྟོང་།། མཁའ་ལ་འཕངས་པས་འདྲེས་པ་ནི།། དང་པོ་སོ་སོར་ཤེས་པ་ལ།། དེ་ལས
20a6 འཕང་པས་བསྡུས་པ་ཡིན།། ནམ་མཁའི་ངང་དུ་རྣམ་རྟོག་འཕང་།། ནམ་མཁའ་ལྟ་བུར་བརྗོད་དུ་མེད།། སོ་སོར་སྡུད་ཅེས་བྱ་བ་ཡིན།། དེ་ལྟར་འཕེན་པས་བསམ་གཏན་ཏེ།། འདུ་ཤེས་ཆད་པས་སྲོག་རྩོལ
iiif viewer powered by OpenSeadragon
