| e-texts navigator |
| Wylie |
209b1 བཅོས་སུ་མེད།། འགྱུར་མེད་རྡོ་རྗེའི་ཀློང་དུ་སོན།། བརྗོད་བྲལ་སེམས་ཀྱི་དཀྱིལ་འཁོར་ལ།། པྲ་ཁྲིད་དོན་གྱིས་མ་མཚོན་ན།། རིག་པ་རང་གསལ་དོན་མི་མཐོང་།། གཏེར་ཁྱིམ་གསང་དང་གསལ་བྱེད་ལྟར།། ངེས
209b2 པ་རྙེད་ནས་ཚིག་མི་དགོས།། རང་བྱུང་གསང་བའི་འཁོར་ལོ་ལ།། ཡེ་ཤེས་རིག་པས་མཉམ་སྦྱར་ནས།། རིན་ཆེན་འབར་བའི་གླིང་བཞིན་དུ།། ཡེ་ཤེས་དཀྱིལ་འཁོར་ཉིད་དུ་འབར།། ཐམས་ཅད་ཡེ་ཤེས་དཀྱིལ
209b3 འཁོར་གསལ།། མ་བསྒྲིབས་རང་བྱུང་སྒོ་མོ་ལ།། རྩོལ་བྲལ་རིག་པའི་ཐབས་ཀྱིས་འཇུག། མཐོང་མེད་མི་དམིགས་དཀྱིལ་འཁོར་ལ།། ཡེངས་པ་མེད་པའི་སེམས་ཀྱིས་གནས།། ཅིར་སྣང་རིག་པ་རང་གསལ
209b4 བཔས།། སྒྲིབ་པའི་མུན་པ་རྣམ་པར་བཅད།། ཡེ་སངས་རྒྱས་པའི་ཐངས་ཆེན་ལས།། རྒྱུ་རྐྱེན་རྩོལ་བས་ཅི་ཞིག་བྱ།། ཡེ་ཤེས་སྙིང་པོའི་མཚན་ཉིད་ནི།། ཁྱབ་པར་གསལ་ལ་རང་བཞིན་མེད།། སྣང་སྲིད་གསལ་བའི་མེ
209b5 ལོང་ལ།། གསལ་ཡང་རིག་པའི་མཚན་མ་མེད།། མི་འཇུག་མི་བལྟ་ཅིར་མི་རྩོལ།། ཤེས་ནས་མ་བཅོས་རང་དགར་གནས།། བསམ་བྲལ་དམིགས་པའི་བྱུང་ཚོར་མེད།། ཅེས་གསུངས་སོ།། ནམ་མཁའི་མཐའ་དང
209b6 མཉམ་པའི་རྒྱུད་ཆེན་པོ་ལས། ཡེ་ཤེས་རང་གསལ་མཐོང་བའི་ལེའུ་སྟེ་བཅུ་གཅིག་པའོ།། །། དེ་ནས་སེམས་དཔའ་རྡོ་རྗེ་དེ་ཉིད་ཀྱིས་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད་ཀྱི།། སྐུ
iiif viewer powered by OpenSeadragon
