| e-texts navigator |
| Wylie |
209a1 མེད་རིག་པ་མཆོག་གི་ཟུགས།། སྣ་ཚོགས་རང་གསལ་བདེ་འགྱུར་ཞིང་།། ཅི་ཡང་མ་ཡིན་གར་ཡང་གསལ།། འོད་གསལ་བདེ་བའི་དོན་ལ་བཞུགས།། བདེ་ཆེན་ཐུགས་ཏེ་ཁྱབ་པར་བརྡལ།། སྣ་ཚོགས
209a2 འབྲེལ་བ་གང་ཡང་མིན།། གཅིག་ཏུ་མི་གནས་ཁྱབ་པར་གསལ།། ཀུན་དང་མཐུན་པའི་དགོངས་པ་ཅན།། རང་ལས་རང་འཕྲུལ་སྤྲུལ་པའི་ཐུགས།། མི་གཡོ་མི་གནས་གང་དུའང་མིན།། རྡོ་རྗེ་སེམས་དཔའ་ནམ
209a3 མཁའ་ཆེ།། རྨད་བྱུང་རང་གསལ་ཐུགས་ཀྱི་མཆོག། རྨད་བྱུང་ཐུགས་ཀྱི་རོལ་པར་ཤར།། ཉི་མའི་འོད་བཞིན་འབར་བ་ལྟར།། རྩོལ་བྲལ་རང་བྱུང་རིག་པ་ལས།། རྩོལ་མེད་ཐུགས་རྗེས་ཁྱབ་པར་གསལ།། ཀུན་ལ
209a4 གནས་སོ་དམིགས་དང་བྲལ།། དཔལ་ལྡན་ནམ་མཁའ་ཁྱབ་པའི་འོད།། འགྲོ་བ་ཀུན་ལ་རང་བཞིན་འཆར།། འོད་གསལ་ནམ་མཁའ་རྒྱས་པའི་མཐའ།། འཇིག་རྟེན་གསལ་བར་དུས་གཅིག་ཤར།། འཁོར་བ་རང
209a5 རིག་རང་གསལ་ཡང་།། ཡེ་ཤེས་རིག་པར་མི་གསལ་བས།། ཡེ་ཤེས་ཉི་མའི་འོད་ཀྱང་ནུབ།། རང་གསལ་རིག་པའི་དོན་དང་འགལ།། རང་བྱུང་སྒྲ་ཡི་རྗེས་འབྲེངས་ཀྱང་།། དེ་ཡི་ངོ་བོར་མ་གྱུར་ན།། གསལ་བའི་ཡེ
209a6 ཤེས་ཉིད་དང་བྲལ།། བཅིངས་པའི་མདུད་པ་ལྕགས་དང་འདྲ།། རང་ལ་རང་གིས་གཟེར་ཆེན་འདེབས།། མི་རྟོག་གསལ་བའི་གདེང་དུ་གྱུར།། ཀློང་ཞུགས་རང་གསལ་མཆོག་གིས་གཏེར།། རྣམ་རྟོག་མཚན་མས
iiif viewer powered by OpenSeadragon
