| e-texts navigator |
| Wylie |
208a1 མེད་གསལ་བའི་ཡེ་ཤེས་ཀྱིས།། ཕྱོགས་སུ་བལྟ་བ་ཟིལ་གྱིས་མནན།། དང་པོ་སེམས་ལ་རྒྱུ་མེད་པས།། ཐ་མར་སྐྱེ་འཇིག་མཐའ་ལས་འདས།། རང་བྱུང་རྡོ་རྗེ་སྐྱེ་འགག་མེད།། དུས་གཅིག་རྫོགས་པས
208a2 རིམ་སྐྱེ་མེད།། སྐད་ཅིག་མེད་དེ་རྒྱུན་དང་བྲལ།། རིག་པ་རང་གསལ་མངོན་སུམ་ལ།། རྗེས་དཔག་རིག་པའི་རྫུན་གྱིས་བསླུས།། དེ་ཁོ་ན་ཉིད་རང་གསལ་ལུང་།། རྒྱུ་རྐྱེན་བྱང་ཆུབ་སེམས་རིག་པས།། ཡེ་ཤེས་འཁྱིལ
208a3 པའི་འཁོར་ལོ་ཅན།། ཅིར་ཡང་འཕྲུལ་ལོ་ཐམས་ཅད་རིག། ནམ་མཁའ་རང་གསལ་དབྱིངས་ལ་གནས།། སྣང་སྲིད་བདེ་སྡུག་འཁྲུལ་འཁོར་ཡང་།། རིག་པ་ཡེ་ཤེས་འཁོར་ལོར་ཞུགས།། རང་བྱུང་ངང་ལས་གཞན་པ
208a4 མེད།། འདུ་འབྲལ་མེད་པར་རང་ལ་ཟུག། ཁྱབ་གད་ལ་རིག་པ་ཀུན་ཏུ་བཟང་།། གང་ལྟར་གསལ་བ་དེ་ལྟར་ཡིན།། ཀློང་ཡངས་ཆུ་བོ་འདུ་འཕྲོ་བཞིན།། མ་འདྲེས་ཡོངས་རྫོགས་གཅིག་ཏུ་གསལ།། ནམ་མཁའ
208a5 གསལ་བའི་གཞལ་ཡས་སུ།། རིག་པ་མཆོག་གི་འོད་བརྡལ་ནས།། རིག་པ་རང་གསལ་མཆོག་ཏུ་བརྟག། བརྡ་དོན་ཕྲད་ནས་གསལ་བར་བཤད།། མཆོག་ཏུ་གསང་བའི་ཆོས་འདི་ནི།། སྣང་མེད་རིག་པ་མཆོག་གི
208a6 དང་།། རྟོག་ཅིང་དཔྱོད་པའི་ཡུལ་ལས་འདས།། སྤྲོས་བྲལ་མཚན་མ་ཅིར་མི་རྟོག། སྣང་དང་སྲིད་པའི་ཆོས་ཀུན་ནི།། དང་པོ་སྐྱེ་མེད་ངང་ཡིན་ལ།། བར་དུ་རྟོག་ཅིང་དཔྱད་ལས་འདས།། ཐ་མ་རང་གི་མཚན་མ
iiif viewer powered by OpenSeadragon
