| e-texts navigator |
| Wylie |
207a1 འདས།། མི་རྟོག་ཐུགས་རྗེ་མཁའ་ལྟར་བརྡལ།། ནམ་མཁར་འཛིན་པའི་འདུ་ཤེས་མེད།། སྟོན་པ་ང་ལ་བསྟན་པ་ང་།། ཉན་པའི་ཚོགས་ང་སྡུད་པ་ང་།། རང་གསལ་ཉིད་ལ་རང་ཉིད་གནས།། གང་ཡང
207a2 མ་ཡིན་འོད་གསལ་ཡིན།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། ཕུན་སུམ་ཚོགས་པ་བསྟན་པའི་ལེའུ་སྟེ་བཅུ་པའོ།། །། དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད
207a3 ཅེས་གསོལ་ཏོ།། བདག་ཅག་འདུས་པ་རིག་པའི་ཚོགས།། ཡེ་ཤེས་གསལ་བ་ཇི་ལྟར་བརྟག། རང་བྱུང་རིག་པའི་འཁོར་ལོ་ལས།། རྨད་བྱུང་རིག་པ་ཇི་ལྟར་འཆར།། ཡེ་ཤེས་ཉི་མ་བཅོམ་ལྡན་འདས།། རང་བྱུང་དོན
207a4 ལ་བཤད་དུ་གསོལ།། ཞེས་ཞུས་སོ།། དེ་ནས་བཅོམ་ལྡན་འདས་རྡོ་རྗེ་སེམས་དཔའ་དེ་བཞིན་གཤེགས་པས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། རང་བྱུང་ཡེ་ཤེས་རྒྱུ་རྐྱེན་བྲལ།། གདོད་ནས་རང
207a5 སྣང་འོད་ཀྱི་མཆོག། གང་ཡང་མ་ཡིན་ཀུན་ལ་གསལ།། ཕྱོགས་མེད་ཐུགས་རྗེ་ཀུན་འཇུག་ལ།། ཕྱོགས་འཛིན་མི་མངའ་རྟོག་མི་མངའ།། མཁའ་གསལ་ཉི་མའི་དཀྱིལ་འཁོར་བཞིན།། ཐ་དད་བསམ་ཡས
207a6 འདུལ་ཐབས་ཀུན།། རང་བྱུང་རིག་པའི་སེམས་ལ་བཞུགས།། ཆོས་དབྱིངས་བྱ་བྲལ་རྫོགས་པའི་ལུང་།། གསང་མཛོད་རིག་པ་ཐུགས་ཀྱི་གཏེར།། སྐུ་གསུང་ཐུགས་ཀྱི་བདེ་བའི་མཆོག། ཀུན་བརྡལ་རིག་པའི་ཀློང་དུ
iiif viewer powered by OpenSeadragon
