| e-texts navigator |
| Wylie |
206a1 བཅོས་མ་བསླད་འགྱུར་མེད་ལུང་།། གཉིས་མེད་རིག་པའི་ཡེ་ཤེས་ཉིད།། རང་སྣང་ཚུལ་གྱིས་གཏན་ལ་འབེབས།། མ་བཅོས་རང་བཞིན་བཞག་པས་གོ། སྣང་བ་གསུམ་གྱིས་བསྟན་པ
206a2 སྒྲོགས།། ཅིག་ཆར་འཇུག་པའི་ཚུལ་གྱིས་རྟོགས།། གང་ཡང་མི་མཁྱེན་གསལ་མཁྱེན་པས།། ཡེ་ཤེས་རང་སྣང་གསལ་བར་མཁྱེན།། སྟོན་པ་ལོངས་སྤྱོད་རྫོགས་པ་ནི།། ལོངས་སྤྱོད་ནམ་མཁའི་མཐའ་མཉམ་སྟེ།། སྐུ
206a3 གསུང་ཐུགས་ཀྱང་མུ་མཐའ་མེད།། ཞིང་ཁམས་དེ་ལྟ་ཁྱབ་པའོ།། གནས་ནི་འོག་མིན་ཆེན་པོ་སྟེ།། སྤྲོས་བྲལ་རིག་པའི་བྱིན་རླབས་ལས།། ཡེ་ཤེས་རྒྱན་གྱིས་གཞལ་ཡས་ཁང་།། ཕྱི་དང་ནང་མེད་ཡེ་ཤེས
206a4 གསལ།། སྟོན་པ་ལོངས་སྤྱོད་རྫོགས་པ་ཡི།། རང་བྱུང་མཚན་དཔེ་རང་ལ་ཆགས།། བདེ་བ་ཀུན་ལ་མངའ་མཛད་ཅིང་།། ཡེ་ཤེས་དམིགས་པའི་ངང་ཚུལ་ཅན།། འཁོར་ནི་རང་རིག་ཉིད་འཇོག་པ།། ས་བཅུའི་དབང
206a5 ཕྱུཕྱག་འཁོར་ཉིད་ལ།། ཀུན་ཀྱང་མཚན་མེད་མཉམ་པའི་ཚུལ།། རང་གསལ་དོན་ལ་འཇོག་པའོ།། སྡུད་པ་གསང་བདག་རྡོ་རྗེ་འཆང་།། རྒྱལ་བ་ཀུན་གྱིས་དབང་བསྐུར་བ།། རིག་པའི་ཡེ་ཤེས་དཀྱིལ་འཁོར་དུ།། སྒྲ
206a6 བྲལ་བསྟན་པ་རྒྱ་མཚོ་སྡུད།། དུས་ནི་མཉམ་གཞག་རིག་པའི་དུས།། རང་གསལ་ངང་ལས་མ་གཡོས་པར།། མཉམ་ཉིད་རང་གསལ་རིག་པའི་དུས།། འདི་ཞེས་ངེས་པར་བསྟན་དུ་མེད།། བསྟན་པ་ཕྱི་ཡི་གསང
iiif viewer powered by OpenSeadragon
