| e-texts navigator |
| Wylie |
205b1 ནི།། ནམ་མཁས་གར་ཁྱབ་ཆོས་ཉིད་གཏེར།། ཆོས་ཉིད་སེམས་ཉིད་དབྱེར་མེད་པ།། ཆོས་སྐུའི་ཞིང་ཁམས་ཉིད་དུ་བཤད།། གནས་ནི་རིག་པའི་འོག་མིན་ཏེ།། སྤྲོས་བྲལ་འབར་བའི་གཞལ་ཡས་ཁང་།། མཐའ་དང
205b2 དབུས་མེད་ཡེ་ཤེས་གསལ།། སེམས་ཅན་སངས་རྒྱས་ཀུན་གྱི་གནས།། སྟོན་པ་རང་བྱུང་འོད་གསལ་བ།། རྡོ་རྗེ་སེམས་དཔའ་ཆོས་ཀྱི་རྗེ།། བརྗོད་མེད་རིག་པའི་ངོ་བོ་ཡིས།། འགྲོ་འོད་མེད་པའི་ཆོས་ཀྱང
205b3 སྟོན།། སྤྲོས་མེད་བྱིན་རླབས་ཕྱོགས་བཅུར་བརྡལ།། རིག་པ་རང་གསལ་ངོ་བོར་ནི།། མ་གསུངས་བྱིན་གྱིས་རླབས་ཀྱིས་བཤད།། རང་གསལ་ཆེན་པོའི་ཡེ་ཤེས་སུ།། རང་གི་རིག་པ་ཤུགས་ཀྱིས་གོ། འཁོར་ནི་སངས
205b4 རྒྱས་ཉིད་ཡིན་པས།། གཞན་ནམ་གཉིས་པའི་ཆོས་མི་གནས།། འོད་གསལ་རིག་པའི་གདེངས་ཀྱི་འཁོར།། བཀོད་པ་མེད་པར་འདུས་ཏེ་གནས།། ཐམས་ཅད་ཡེ་ཤེས་སྙིང་པོ་བས།། ཉིད་ལ་འཆད་ཅིང་ཉིད་ཀྱིས
205b5 འགྲེལ།། ཡེ་ཤེས་སྙིང་པོར་ཀུན་འདུས་པས།། དེ་ཉིད་བྱང་ཆུབ་སེམས་ཀྱི་འཁོར།། སྡུད་པ་རང་གསལ་དབྱིངས་ཀྱི་ཀློང་།། ཀུན་ཀྱང་རིག་པའི་འོད་ལ་འདུས།། གཉིས་ཀ་གསལ་བའི་རང་བཞིན་ལ།། མ་འདུས་པ
205b6 ཡི་ཆོས་མི་གནས།། དུས་ནི་ཐམས་ཅད་མཉམ་པའི་དུས།། རང་གསལ་ངོ་བོ་ཐོག་མཐའ་མེད།། རང་བྱུང་བྱང་ཆུབ་སེམས་ཉིད་ལ།། དུས་གསུམ་ཁྱད་པར་གཅིག་ཏུ་འདུས།། བསྟན་པ་ཆོས་ཀུན་རང་གསལ་ལ།། མ
iiif viewer powered by OpenSeadragon
