| e-texts navigator |
| Wylie |
205a1 མིན།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། གང་གིས་གང་ལ་བསྒྲིབས་པའི་ལེའུ་སྟེ་དགུ་པའོ།། །། དེ་ནས་ཡང་སེམས་དཔའ་རྡོ་རྗེ་དམ་པ་དེས་འདི་སྐད
205a2 ཅེས་གསོལ་ཏོ།། རྩོལ་བྲལ་ཡེ་ཤེས་སྙིང་པོ་ལས།། ཕུན་སུམ་ཚོགས་པར་གསལ་བ་དེ།། ཁྱད་པར་མ་འདྲེས་གསལ་བ་རུ།། མགོན་པོས་བདག་ལ་བཤད་དུ་གསོལ།། ཞེས་ཞུས་སོ།། དེ་ནས་དེ་བཞིན་གཤེགས་པ་རྡོ
205a3 རྗེ་སེམས་དཔས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། ཆོས་ཉིད་རང་བྱུང་བྱང་ཆུབ་སེམས།། རང་བྱུང་རང་རིག་དཀྱིལ་འཁོར་ལ།། གཉིས་མེད་ཡེ་ཤེས་ཆེན་པོ་ལ།། རྣམ་དབྱེ་བསྡུ་བ་མི་གནས
205a4 ན།། རིག་པར་དོན་ལ་འཇུག་པའི་ཕྱིར།། དངོས་དང་བསམ་པར་ཕྱེ་བ་ཡི།། གང་ལྟར་འཚམས་པ་དེ་ལྟར་བསྟན།། ངོ་བོ་མཐོང་ཚུལ་གཉིས་ཀྱིས་སོ།། རང་རིག་ཡེ་ཤེས་མ་ཡིན་པ།། རྣམ་པར་བཅད་པའི་ཆོས་མི
205a5 གནས།། སྐུ་གསུམ་རིག་པའི་ཀློང་དུ་རྫོགས།། གནས་ནི་སྤྲོས་བྲལ་རིག་པ་སྟེ།། བསྟན་པ་རང་གསལ་མེ་ལོང་ཡིན།། འཁོར་ནི་རིག་པའི་ཆོ་འཕྲུལ་ཏེ།། དུས་ནི་བསམ་གྱིས་མི་ཁྱབ་པ།། སྡུད་པ་ཀུན་འདུས་རིག
205a6 པའི་གཏེར།། རང་གསལ་རང་ལ་མ་ཡིན་པ།། ཕུན་སུམ་ཚོགས་པ་མི་གནས་ཏེ།། རིག་པ་འཕོ་འགྱུར་མེད་པའི་གཏེར།། བསམ་གྱིས་མི་ཁྱབ་དུས་ན་ཤེས།། ཀྱེ་སེམས་དཔའ་ཆེན་པོ།། སྟོན་པ་ཆོས་སྐུའི་ཞིང་ཁམས
iiif viewer powered by OpenSeadragon
