| e-texts navigator |
| Wylie |
204b1 མངོན་ཐོབ་ཀྱང་།། མཐར་ཟུག་འབྲས་བུ་དེ་ལ་མེད།། འདི་ཀུན་འཇིག་རྟེན་ལམ་ཡིན་ཏེ།། རྩོལ་བས་རང་གསལ་དོན་མི་རྙེད།། གཉིས་མེད་དང་ལ་གཉིས་པར་བཟུང་།། རང་གསལ་དང་ལས་མུན་པར
204b2 འཁྱམས།། རྒྱུ་རྐྱེན་བྲལ་བར་རྒྱུ་འབྲས་བལྟས།། མ་བཅོས་ངང་ལ་འཛིན་པས་བཅིངས།། བགྲོད་མེད་ངང་ལ་ལམ་གྱིས་བགྲོད།། གཅིག་ལ་བདག་གཞན་གཉིས་སུ་བཟུང་།། འདི་ཀུན་ཡེ་ཤེས་དོན་ལ་སྒྲིབ། ཁམས
204b3 གསུམ་འཁོར་བར་དེ་ཡིས་ལྷུང་།། ཀུན་འདུས་རང་གསལ་ཉག་གཅིག་ལས།། ཅིར་བལྟས་རང་གསལ་དབྱིངས་ལ་ཐུགས།། གཟའ་གཏད་འཛིན་བྲལ་ཆོས་ཀྱི་དབྱིངས།། རང་ལ་མི་རྟོག་དེ་མི་རྟོག། འཇུག་མེད་རིག
204b4 པ་ཅིག་ཅར་སྐྱེས།། ཀུན་གསལ་མཚན་མ་རིག་པར་རྫོགས།། གང་དུའང་མི་གནས་ཀུན་ལ་སོན།། ཞེན་པ་མ་བཅོས་དབྱིངས་གསལ་བས།། འཁོར་བ་ཡེ་སངས་རྒྱས་པར་མཁྱེན།། སྙིང་རྗེ་འདུ་ཤེས་ཡུལ་མེད
204b5 ལ།། གདུང་མེད་རང་བཞིན་ཁྱབ་པར་གདལ།། ཡུལ་དང་ཤེས་པ་འབྱུང་འཇུག་མེད།། རང་གསལ་ཡེ་ཤེས་མེ་ལོང་ལ།། དམིགས་འཛིན་བྲལ་བའི་ཡེ་ཤེས་ཀྱིས།། དུས་གཅིག་ཐུག་ཕྲད་ཉིད་དུ་འཇུག། གང་ལའང
204b6 མི་གནས་རང་ལ་གནས།། རང་ཡང་དམིགས་ཡུལ་རྣམ་བཅད་ནས།། རིག་པ་སྒྲ་ལ་རྟེན་མི་འཆའ།། དབང་པོ་ཡུལ་གྱི་རྗེས་མི་འབྲང་།། འདི་ལྟར་གསལ་བར་མ་རྟོགས་ན།། གང་ལྟར་བརྟགས་པ་དེ་ལྟར
iiif viewer powered by OpenSeadragon
