| e-texts navigator |
| Wylie |
204a1 བརྒྱུས་ཚུལ་ལ།། སྦྲུལ་མིག་ལྟ་བུ་ཨ་ནརྀ་ཧཱུཾ།། དམར་ནག་ཟླ་གམ་གཞུ་ཡི་དབྱིབས།། པྲེ་དུ་ཨ་རུ་ཤེས་པར་བྱ།། མ་རྟོགས་འགྲོ་དྲུག་ས་བོན་ལ།། རྟོགས་པས་སྐུ་གསུང་ཐུགས་ཉིད་དུ།། གཉིས་མེད
204a2 བསྲེས་པས་ཡེ་ཤེས་ཡིན།། རྣམ་བཞི་ཤེས་པ་བརྒྱད་ཀྱི་རྟེན།། རྒྱུ་བའི་ཚུལ་གྱིས་ཤེས་པར་བྱ།། སྙིང་པོ་ས་བོན་འོད་འབར་ནས།། མི་ཤིགས་ཐིག་ལེའི་སྙིང་པོར་གནས།། དབུགས་རྩོལ་རང་བྲལ་གྱུར་པ་ཡིས།། ཡེ
204a3 ཤེས་བརྡལ་ཁྱབ་ས་ལ་གནས།། བཅུ་གསུམ་གཉིས་ཀྱི་དཀྱིལ་འཁོར་ནས།། ཡེ་ཤེས་གསལ་བའི་དཀྱིལ་འཁོར་སྤྲོ།། བཅུ་དྲུག་འཁོར་ལོས་མཚམས་སྦྱར་ནས།། ཐུར་དུ་འཕྲོ་ཞིང་གྱེན་དུ་འཁྱིལ།། བཅུ་དང་གསུམ
204a4 བཞིའི་ཆོས་ཀུན་ནི།། སྔར་གསལ་ཡེ་ཤེས་རོ་ཉིད་དོ།། གཟུངས་ལྡན་ཆོས་ཀྱི་ཕྱག་རྒྱ་ལ།། བྱིན་བརླབས་དབང་བསྐུར་ཆ་རྫོགས་ལ།། འཁྱུད་སྦྱོར་རིག་པའི་བདེ་བའི་རོ།། འབྱུང་དང་འཇུག་པ་གཉིས་ཀྱི་ཆ།། བརྒྱད
204a5 གཉིས་བཞི་གཉིས་བཅུ་དྲུག་གཉིས།། རང་གསལ་ལྷན་ཅིག་སྐྱེས་པ་དེ།། འདོད་ཆགས་ཏིང་འཛིན་བདེ་བ་དེས།། ཡེ་ཤེས་རང་གསལ་རྐྱེན་བྲལ་ལུང་།། རྒྱུ་རྐྱེན་བྲལ་བའི་དོན་མི་རྙེད།། རྒྱན་དང་ཆ་ཡི་ཚུལ་བཞིན
204a6 འཕགས།། རྗེས་སུ་རྣལ་འབྱོར་ཚུལ་གྱིས་ནི།། དབྱིངས་དང་ཡེ་ཤེས་རང་བཞིན་གྱིས།། རྒྱུ་འབྲས་དག་པའི་ཚུལ་དུ་བལྟ།། འོད་ཀྱི་ཏིང་འཛིན་སྟོབས་ཀྱིས་ནི།། རྡོ་རྗེ་སེམས་དཔའི་ས་ལ་འགྲོ།། རང་ས་འབྲས་བུ
iiif viewer powered by OpenSeadragon
