| e-texts navigator |
| Wylie |
203b1 ལ།། རིམ་སྐྱེ་བདེ་བས་མཚོན་དུ་མེད།། རླུང་བཟུང་དགག་དང་བགྲང་བ་དང་།། ཐུན་མོང་ཉིད་ཀྱིས་སེམས་སྦྱངས་ནས།། རྫོགས་པའི་སེམས་ལ་མཉམ་སྦྱོར་བས།། ཡེ་ཤེས་རང་གསལ་དོན་མི་རྙེད།། ཡེ་ཤེས་འདུས
203b2 པའི་ཀ་བ་གསུམ།། མེ་ལོང་བཞི་བརྩེགས་འབྲེལ་བ་ལས།། འབྱེད་འཛུམ་དྲག་ཏུ་བསྐུལ་བ་ཡིས།། ནམ་མཁའི་དཀྱིལ་འཁོར་འབེན་ལ་ཕོག། ཡེ་ཤེས་འབར་བའི་འོད་ཉིད་ཀྱིས།། མཐར་ཟུག་མེད་པ་ཀུན་བཀུག
203b3 ནས།། ཡེ་ཤེས་ཐིག་ལེ་གཅིག་ཏུ་འདུས།། རིན་ཆེན་འཕྲུལ་གྱི་ལུ་གུ་རྒྱུད།། ཤེས་ལྟར་དག་པའི་ཐིག་ལེ་ཅན། ཁམས་གསུམ་འོད་ཀྱིས་ཁྱབ་གདལ་ནས།། སླར་ཡང་ཡེ་ཤེས་སྙིང་པོར་ཐིམ།། བདུད་རྩིས་ནམ་མཁའི
203b4 ཁམས་བཀང་ནས།། བདེ་བ་ཕྲག་བརྒྱའི་རོ་མྱངས་ནས།། ནམ་མཁའི་བདུད་རྩི་འབྱོངས་པ་ཡིས།། སྟོང་ཆེན་འོད་བརྡལ་ཉིད་གསལ་ཡང་།། འདི་ཡང་བཅོས་མ་ལོག་པའི་ལམ།། གཡོ་བྱེད་དབང་དབྱིབས་དཀྱིལ
203b5 འཁོར་ཏེ།། གྲུ་གསུམ་ཨེ་ཡི་དབྱིབས་ལྡན་གནས།། དེ་སྟེང་རིན་ཆེན་འཁོར་ལོ་ནི།། མེ་ལོང་བརྩེགས་པའི་ཚུལ་དུ་གནས།། སུམ་ཅུ་གཉིས་གཉིས་ལྡན་པ་ཡི།། དབུས་སུ་བསིལ་བའི་ས་བོན་ཅན།། ཞི་བའི་འཁོར་ལོ
203b6 རྣམ་པར་བསྐོར།། གཉིས་པ་འདབ་བརྒྱད་དངས་མར་ལྡན།། ཆོས་ཉིད་ཡེ་ཤེས་རང་བྱུང་རྒྱུད།། ཡོན་ཏན་གསུམ་གསུམ་རེ་རེའོ།། འོད་ཟེར་ཟླུམ་དང་སུ་ཏྲི་ཨོཾ།། ཟ་འོག་གུར་ཕུབ་ཚུལ་དུའོ།། མཐིང་གཤེལ་སྒོང
iiif viewer powered by OpenSeadragon
