| e-texts navigator |
| Wylie |
203a1 ཅིང་།། དོན་ལ་ངེས་པའི་འབྲས་བུ་གཅིག། འདོད་པ་འཁྲུག་པའི་རིགས་ཅན་དེ།། གཉིས་ཀྱིས་གཉིས་མེད་ཇི་ལྟར་རྙེད།། མཆིང་བུ་གསེར་དུ་མི་གཅིག་དང་།། ངེས་པ་མེད་པས་ཆེ་བེ་ལ་འདྲ།། ཡེ་ཤེས
203a2 གསལ་བའི་དོན་ལ་བསྒྲིབ།། བྱིན་རླབས་སྣང་བ་ཆོ་ག་དགུ། དཀྱིལ་འཁོར་བསྐྱེད་དང་བཟླས་པ་དང་།། ཏིང་འཛིན་གསལ་བའི་རིམ་པ་ཡིས།། སྟུག་པོ་བཀོད་པའི་སར་འདོད་པ།། རང་གསལ་དོན་ལ་རྟོག་པས
203a3 བསྒྲིབ།། རང་བྱུང་ཉིད་ལ་རྒྱུ་ཡིས་བསྐྱེད།། ཡེ་ཤེས་སྐྱེ་འགག་ཚུལ་དུ་བརྟགས།། ཡེ་ཤེས་རང་སྣང་དོན་དང་འགལ།། བསྐྱེད་པ་རྣལ་འབྱོར་ཆེན་པོ་ཡིས།། བསྐྱེད་རྫོགས་གསུམ་གྱིས་མཉམ་སྦྱོར་ནས།། རིག་པ
203a4 འཛིན་པའི་ལམ་ལ་གནས།། དབང་བསྐུར་ཡེ་ཤེས་དཀྱིལ་འཁོར་གསལ།། སྐུ་གསུང་ཐུགས་དང་གཞལ་ཡས་དང་།། སྤྱན་དྲངས་བཟླས་བརྗོད་མཆོད་པ་ཡིས།། རིམ་པས་རྣམ་རྟོག་ཀུན་སྦྱངས་ནས།། འབྲས་བུ
203a5 འདོད་པས་དོན་མི་རྙེད།། རིག་པའི་ཡེ་ཤེས་གཅིག་པོ་ལ།། ཏིང་འཛིན་གསུམ་དུ་འདོད་པས་བཅིངས།། མཚན་ཉིད་རང་གསལ་དཀྱིལ་འཁོར་ལ།། ཞི་དང་ཁྲོ་བོར་སུ་ཡིས་ཕྱེ།། ཡེ་ཤེས་ཀུན་ཁྱབ་བརྡལ་པ་ལ།། བྱོན
203a6 དང་མི་བྱོན་འཁྲུལ་པའི་ཆོས།། ཁམས་གསུམ་ཡེ་ཤེས་རང་གསལ་ལ།། འཕྲོ་འདུས་སྒྲིབ་པ་སྦྱང་མི་དགོས།། མ་སྐྱེས་སྙིང་པོ་བྱང་ཆུབ་ལ།། སྐྱེ་བ་བཞི་ཡིས་ལྷར་སྐྱེ་འཁྲུལ།། དུས་གཅིག་ཡེ་ཤེས་རང་གསལ
iiif viewer powered by OpenSeadragon
