| e-texts navigator |
| Wylie |
202a1 རྡོ་རྗེ་སེམས་དཔའ་ལ་འདི་སྐད་ཅེས་གསོལ་ཏོ།། ཀྱེ་མའོ་སངས་རྒྱས་ཐམས་ཅད་ཀྱི།། རིག་པའི་ཡེ་ཤེས་གསལ་བ་ལ།། གཉིས་མེད་དག་པའི་དོན་མི་སྣང་།། གང་ཕྱིར་སྒྲིབ་པ་བཤད་དུ
202a2 གསོལ།། ཞེས་གསོལ་པ་ལས། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ།། ཡེ་ཤེས་གསང་བའི་རང་བཞིན་ལ།། རྣམ་རྟོག་དྲ་བས་སོ་སོར་བཅིངས།། དེ་ཉིད་རང་གསལ་མ་རྟོགས
202a3 པས།། ལོག་པའི་གྲོང་ཁྱེར་ཉིད་དུ་ལྟུང་།། ཞེས་གསུངས་སོ།། ཀྱེ་སེམས་དཔའ་ཆེན་པོ།། སངས་རྒྱས་ཀུན་གྱི་ངོ་བོ་ཉིད།། གཉིས་མེད་ཡེ་ཤེས་གསང་བའི་དོན།། ནམ་མཁའི་མཐའ་དང་མཉམ་སྦྱོར་བ།། ཡེ་ཤེས
202a4 ཀུན་སྣང་མེ་ལོང་ནི།། འཁོར་མིན་མྱ་ངན་འདས་པ་མིན།། ཡེ་ཤེས་འོད་གསལ་རིག་པའི་མཁའ།། སངས་རྒྱས་སེམས་ཅན་ཐམས་ཅད་ལ།། རང་གསལ་རིག་པ་ཡེ་ཤེས་ནི།། ཀུན་ལ་ཁྱབ་པར་ཡེ་ནས་བྱུང་།། གང
202a5 ཡང་མ་ཡིན་དེ་གཞིན་ཉིད།། ཆོས་ཉིད་སྤྲོས་བྲལ་འགྱུར་དང་བྲལ།། རྟོག་བྲལ་ཡེ་ཤེས་སྙིང་པོར་གསལ།། དཔེར་ན་ཆུ་རུ་གཅིག་པ་ལ།། རྐྱེན་དང་ཕྲད་དང་མ་ཕྲད་ཀྱིས།། ནུས་པ་སོ་སོར་སྣང་བ་ལྟར།། རྒྱལ་བའི་ཡེ
202a6 ཤེས་རང་གསལ་ལ།། རྟོགས་དང་མ་རྟོགས་ཁྱད་པར་དེ།། དངོས་ལ་དེ་དག་མི་གནས་ཀྱང་།། བསམ་པས་འདུལ་བའི་ངོ་ལ་གྲགས།། རང་གསལ་རིག་པའི་མཐུ་མེད་པས།། འཇིག་རྟེན་འདས་དང་འཇིག་རྟེན
iiif viewer powered by OpenSeadragon
