| e-texts navigator |
| Wylie |
201b1 མཁའ་ལྟ་བུའི་ངང་།། སྣང་སྲིད་ཡེ་ཤེས་གསལ་བར་གནས།། གང་དག་ཅིར་གསལ་ཡེ་ཤེས་ཉིད།། ཡེ་ཤེས་གསལ་བའི་འཁོར་ལོ་ལ།། མ་རིག་སྒྲིབ་པ་ཡེ་ནས་མེད།། ཀུན་བཟང་རིག་པའི་འཁོར་ལོ་ནི།། ཅི་ཡང
201b2 ཡིན་ནོ་འགག་པ་མེད།། བསམ་དང་བྲལ་བའི་ཆོས་ཉིད་ལ།། བསམ་ཞིང་དཔྱད་པས་ཡུལ་མི་བསྐྱོད།། རང་བཞག་ལྷུག་པའི་ཏིང་འཛིན་ལ།། སེམས་ཀྱི་འཕྲོ་འདུའི་ལས་མི་བྱེད།། རང་གསལ་ཀློང་ལ་ཡེ་གནས
201b3 པ།། བཅོས་མེད་བྱང་ཆུབ་མཆོག་གི་ལམ།། གང་ལྟར་འགྱུར་བའི་རིན་ཆེན་ནི།། རྗེས་སུ་མེད་དེ་དེ་ལྟར་སྣང་།། རང་སྣང་སེམས་ཀྱི་དཀྱིལ་འཁོར་ལས།། ཐར་པའི་དཀྱིལ་འཁོར་འབུམ་ཕྲག་ཡས།། མ་བགྲོད་ཡེ
201b4 ཤེས་དབྱིངས་ལ་གནས།། མི་བསྒོམ་རིག་པ་ཅིག་ཆར་འཇུག། རང་སེམས་གསལ་བ་མ་ཡིན་པ།། གཉིས་མེད་བྲལ་བའི་ཆོས་མི་གནས།། རོལ་པ་འགག་མེད་ཅིར་ཡང་འབྱུང་།། རིག་པ་སྤྲོས་བྲལ་དབྱིངས་ལ
201b5 འདུས།། བརྗོད་པ་སྒྲ་ཡི་འཁོར་ལོ་ཅན།། སྒྲ་ཡིས་དོན་ཉིད་དབྱིངས་ལ་འབེབས།། ཀུན་འདུས་སེམས་ཀྱི་མེ་ལོང་ལ།། འཛིན་བྲལ་རིག་པ་ཅིར་མི་དགོངས།། རང་གསང་ཐབས་ཀྱིས་ཆོད་པ་ལ།། ཡེ་ཤེས་གསལ
201b6 བའི་དོན་མི་སྣང་།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།། རིག་པ་རང་གསལ་གྱི་ལེའུ་སྟེ་བརྒྱད་པའོ།། །། དེ་ནས་སེམས་དཔའ་རྡོ་རྗེ་དམ་པ་དེས།། དེ་བཞིན་གཤེགས་པ
iiif viewer powered by OpenSeadragon
