| e-texts navigator |
| Wylie |
201a1 སེམས་མི་འཇུག། འཇུག་ཏུ་མེད་པའི་འོད་གསལ་ལ།། གཉིས་མེད་རིག་པ་གཅིག་གིས་འཇུག། ཇི་ལྟར་ཆུ་ལ་ཆུ་བཞག་ལྟར།། གཉིས་མེད་གནས་ཚུལ་དེ་ལྟར་བཞག། འཁོར་བ་ཡེ་ཤེས་སྙིང་པོར
201a2 གསལ།། འཁོར་བ་སེལ་བའི་ཉི་མ་ལ།། མཐའ་ཡི་མུན་པ་གདོད་ནས་སྟོངས།། ཡེ་ཤེས་གསལ་བའི་ཉི་མ་ནི།། ཀུན་ཏུ་གདལ་ལ་དམིགས་དང་བྲལ།། ཅི་ཡང་མ་ཡིན་ཐམས་ཅད་ཡིན།། ཕྱོགས་རིས་མེད་པའི་ཐུགས
201a3 རྗེ་ནི།། ནམ་མཁའི་མཐའ་ལྟར་ཀུན་ཏུ་གདལ།། ཡེ་ཤེས་རྒྱ་མཚོ་མུ་མཐའ་མེད།། གྲོལ་བའི་དཀྱིལ་འཁོར་ཡོངས་རྫོགས་ལྡན།། རང་བཞིན་བཅོས་མེད་སྙིང་པོའི་སྐུ།། མ་འཕྲོས་ཉི་ཟླའི་དཀྱིལ་འཁོར་ནི།། བཙལ
201a4 མེད་ནམ་མཁའི་ངང་ན་གསལ།། ཇི་བཞིན་རང་གསལ་དཀྱིལ་འཁོར་ནི།། བཅོས་མེད་དབྱིངས་ན་རང་བཞིན་གསལ།། མངོན་པར་མཐོ་བའི་སྤྱི་གཙུག་ལ།། མཐའ་ཡི་བལྟ་བས་རེག་ཏུ་མེད།། བཅོས་དང་མ་བཅོས
201a5 དེ་ཉིད་མཐའ།། དབུས་མཐའ་མེད་པ་དེ་བཞིན་ཉིད།། གང་ལའང་མི་གནས་དབྱིངས་ན་གནས།། དབྱིངས་དེ་མ་བཅོས་ཞི་བའི་ས།། གདོད་ནས་སྟོང་པའི་རང་བཞིན་ལ།། སྟོང་དང་མི་སྟོང་འདུ་ཤེས་བྲལ།། མ
201a6 བསམས་པ་ཉིད་བསམས་པའི་མཐའ།། མཐའ་དབུས་བྲལ་བའི་ཡེ་ཤེས་ལ།། མཐའ་དབུས་ཡོད་མེད་བསྙད་མི་གདགས།། བསྐྱོད་མེད་ཡེ་ཤེས་འོད་པོ་ཆེ།། འཁོར་བ་རང་གསལ་ཉིད་དུ་འབར།། ཀུན་འབྱུང་ནམ
iiif viewer powered by OpenSeadragon
