| e-texts navigator |
| Wylie |
200b1 པའི་ཏིང་འཛིན་ལ།། འཛིན་མེད་བློ་ཡིས་གསལ་བར་གནས།། ཡེངས་མེད་འདུ་འབྲལ་མི་གནས་པས།། བཅོས་མེད་སྙིང་པོ་ལྷུན་གྱིས་གྲུབ།། ནུས་པའི་བྱེ་བྲག་མཐའ་ཡས་ཏེ།། རྡོ་རྗེ་རིན་ཆེན་འབར་བ་ལྟར།། མ
200b2 ལུས་ཟིལ་གནོན་གཅིག་ཏུ་རྫོགས།། ཉི་མའི་སྙིང་པོའི་འོད་བཞིན་དུ།། འཁོར་བའི་ཡེ་ཤེས་རང་གསལ་དང་།། གསེར་རྫས་ཁ་དོག་དབྱིབས་བཞིན་དུ།། དགེ་སྡིག་ལས་ཀྱིས་བཅོས་མེད་དོ།། འདབ་ཆགས་ནམ
200b3 མཁར་གནས་པ་ལྟར།། འཁོར་བའི་གཅོང་རོང་ལམ་དུ་བདེ།། སྒྱུ་མའི་ཆོ་འཕྲུལ་ཇི་བཞིན་དུ།། རང་གི་ངང་ལས་གཡོས་མེད་གནས།། འགྲོ་ཀུན་འདྲེན་པའི་མཐུ་ཡིས་ནི།། ངན་པར་མི་ལྟུང་བྱིན་གྱིས་བརླབས།། རང
200b4 གསལ་ནུས་མཐུ་བསམ་མི་ཁྱབ།། ཡེ་ཤེས་རང་གསལ་འགྲོ་འོད་མེད།། ཐུགས་རྗེ་རང་གསལ་ཕྱོགས་རིས་མེད།། ཏིང་འཛིན་རང་གསལ་དམིགས་དང་བྲལ།། རང་གསལ་ཉིད་ལ་ཉིད་མི་འཇུག། འཆིང་གྲོལ་མེད
200b5 པའི་རང་གསལ་བ།། རྣམ་རྟོག་བསྐྱོད་པའི་རླུང་མི་གནས།། གསལ་ལ་མར་མེའི་ཚུལ་ཉིད་ལ།། འདུ་ཤེས་མེད་པའི་སེམས་ཉིད་འཇུག། ཅིར་ཡང་མི་བསམ་ཅིར་མི་དགོངས།། གང་ཡང་མ་ཡིན་དེ་ལྟར
200b6 ཡིན།། མཐའ་བྲལ་ནམ་མཁའི་རྡོ་རྗེ་ལ།། དམིགས་གཏད་འཇོག་པ་ནོར་བའི་ལམ།། ཡེ་ཤེས་སྙིང་པོ་ཉི་མ་ཤར།། རང་སྣང་རིག་པ་གཏེར་ལ་རྫོགས།། མཐའ་དང་དབུས་དང་ཕྱོགས་བྲལ་ལ།། དེ་དག་མཉམ་པའི
iiif viewer powered by OpenSeadragon
