| e-texts navigator |
| Wylie |
199b1 བྲལ།། རང་གསལ་ཐབས་ཀྱི་མེ་ལོང་ལ།། འགག་མེད་ཀུན་གོ་གཟུགས་བརྙན་འཆར།། དེ་ཉིད་མ་བཅོས་རང་གསལ་ལུང་།། སྒྲོ་བྲལ་རིག་པའི་གདེང་ལ་གནས།། མ་བཅོས་རང་གསལ་མཁའ་ལྟར་དག། མི་གནས
199b2 ནམ་མཁའ་ལྟ་བུའི་ཚུལ།། གདོད་ནས་དག་པ་ཆོས་ཀྱི་དབྱིངས།། རང་རིག་རང་གསལ་དབྱིངས་ལ་བཞུགས།། མཐའ་དང་དབུས་བྲལ་གཉིས་མེད་ལམ།། མ་ཆགས་དག་པ་རིག་པའི་གནས།། འོད་གསལ་ཀུན་གྱི
199b3 གཞལ་ཡས་ལ།། ཚད་དང་དཔག་པའི་ཡུལ་ལས་འདས།། མི་བསམ་མི་དཔྱད་རང་གསལ་མཆོག། རིག་པ་འགྱུར་མེད་དག་པའི་སྐུ།། བརྗོད་མེད་རང་གསལ་ཁྱབ་གསལ་གསུང་།། ཡོན་ཏན་ཕྲིན་ལས་བཙལ་དུ
199b4 མེད།། བྱ་བྲལ་བརྗོད་མེད་ཆོས་ཀྱི་དབྱིངས།། ཀུན་ལ་གསལ་ཏེ་འདུ་ཤེས་མེད།། རིག་པ་མ་བཅོས་འཛིན་རྩལ་སྤངས།། ཇི་བཞིན་མཉམ་ཉིད་རིག་པའི་ཀློང་།། གསལ་བ་རང་རིག་དཀྱིལ་འཁོར་ལ།། འགྱུར་འཇུག
199b5 ཀྱང་མེད་རིག་པས་ཅིག་ཆར་གསལ།། གསལ་དང་མི་གསལ་འཛིན་མི་འཛིན།། ཐ་སྙད་བཅད་པའི་ཤེས་པའོ།། རྟེན་དང་བྲལ་བའི་རང་བཞིན་གྱིས།། ཅིར་ཡང་གསལ་ལ་དམིགས་སུ་མེད།། རང་གསལ་རིག་པའི
199b6 བདེ་བ་ནི།། མཚན་མའི་སྒྲ་ཡིས་མི་མཚོན་ཏེ།། ཉམས་མྱོང་གསལ་བ་བསྟན་མེད་ལུང་།། དགའ་བའི་རོ་དང་མཚུངས་པར་གནས།། རིག་པའི་གཞལ་ཡས་རྒྱ་བྲལ་ན།། མཚན་མེད་འོད་གསལ་རྟག་ཏུ་བཞུགས།། ཇི
iiif viewer powered by OpenSeadragon
