| e-texts navigator |
| Wylie |
199a1 བརྡལ།། ནོར་བུ་རིན་ཆེན་འབར་བ་ལྟར།། ཀུན་ལ་ད་ལྟ་ཉིད་དུ་སྟོན།། རྩོལ་བྲལ་རིག་པ་རང་གསལ་ལ།། འབྱུང་འཇུག་འཛིན་པ་ཀུན་དང་བྲལ།། ཞེས་གསུངས་སོ།། ནམ་མཁའི་མཐའ་དང་མཉམ
199a2 པའི་རྒྱུད་ཆེན་པོ་ལས།། དོན་གཉིས་གཏན་ལ་དབབ་པའི་ལེའུ་སྟེ་བདུན་པའོ།། །། དེ་ནས་སེམས་དཔའ་རྡོ་རྗེས། དེ་བཞིན་གཤེགས་པ་རྡོ་རྗེ་སེམས་དཔའ་ལ་འདི་སྐད་ཅེས་གསོལ་ཏོ།། དུས་གསུམ་སངས
199a3 རྒྱས་ཐམས་ཅད་ཀྱི།། སྐུ་གསུང་ཐུགས་ཀྱིས་ཁྱབ་པའི་སྐུ།། རྣམ་པར་རྟོག་པ་མི་མངའ་བར།། མཚན་མེད་ཡེ་ཤེས་ཉིད་སྦྱངས་ནས།། ངོ་བོ་རང་གསལ་རིག་པ་ཡིས།། ཉམས་རྟོགས་ནུས་པ་དམ་པ་རྣམས།། རང
199a4 གསལ་ཉིད་དུ་རྟོགས་བྱའི་ཕྱིར།། མགོན་པོས་བདག་ལ་བཤད་དུ་གསོལ།། ཞེས་གསོལ་བ་བཏབ་བོ།། དེ་ནས་དེ་བཞིན་གཤེགས་པ་དགྱེས་པ་ཆེན་པོ་རྡོ་རྗེ་སེམས་དཔས་འདི་སྐད་ཅེས་གསུངས་སོ།། ཀྱེ་སེམས
199a5 དཔའ་ཆེན་པོ།། ཇི་ལྟར་སྣང་བ་ཐམས་ཅད་ཀུན།། རང་རིག་ཡེ་ཤེས་དཀྱིལ་འཁོར་ལ། བརྟགས་པའི་ཐ་སྙད་ཀུན་དང་བྲལ།། ཕྱོགས་བྲལ་མཉམ་པའི་སྙིང་པོ་ལས།། གང་ལྟར་བལྟས་པ་དེ་ལྟར་གསལ།། འཛིན
199a6 མེད་ཀུན་བྲལ་ཉག་གཅིག་པོ།། ཡེ་ཤེས་གསང་བའི་ངོ་བོ་ལ།། བརྗོད་དང་སྣང་བའི་ཆོས་སོ་ཅོག། རང་གསལ་ཡེ་ཤེས་རྫོགས་པའི་ངང་།། གཉིས་མེད་གཅིག་གི་རང་བཞིན་ལ།། མཚན་མའི་ཐ་སྙད་ཀུན་དང
iiif viewer powered by OpenSeadragon
