| e-texts navigator |
| Wylie |
198b1 ཤེས་རབ་རྟག་འཆར་བར།། ཁ་སྦྱོར་བར་བུའི་གདམས་ངག་སྦྱིན།། སྐལ་མེད་དབང་པོ་དམན་པ་ལ།། ཤིན་ཏུ་གདམས་པའི་མན་ངག་སྦྱིན།། ཕྱི་ནང་གཡེང་བའི་གང་ཟག་ལ།། བགྲང་དང་བཟུང་དང་བརྟག་པ
198b2 དང་།། ཐུན་མོང་རླུང་གི་མན་ངག་སྦྱིན།། བློ་ལྡན་རྟོགས་པའི་གང་ཟག་ལ།། འཕྲུལ་གྱི་མེ་ལོང་མན་ངག་སྦྱིན།། ཆགས་ཞེན་འདོད་པའི་རིགས་ཅན་ལ།། རིན་ཆེན་བདེ་བསྐྱིལ་མན་ངག་སྦྱིན།། རྟག་འཛིན་དེ་ཉིད
198b3 རིགས་ཅན་ལ།། ངོ་བོ་བརྟགས་པའི་མན་ངག་སྦྱིན།། ཤེས་ལྡན་དབང་པོ་དུལ་བ་ལ།། བརྡ་ལྡན་རིག་པའི་མན་ངག་སྦྱིན།། ཡུལ་ལ་ཞེན་པའི་གང་ཟག་ལ།། དབང་པོ་རྟུལ་པོའི་ཐབས་ཀྱིས་བསྟན།། ཚིག་ལ་དགའ
198b4 བའི་གང་ཟག་ལ།། སྒྲ་ལ་བརྟག་པའི་མན་ངག་བསྟན།། རྒྱུན་དུ་མཉམ་འཇོག་འདྲིས་པ་ལ།། སྤྱོད་ལམ་རྒྱུན་གྱི་གདམས་ངག་ཕོག། བློ་ལྡན་སྐལ་ཅན་ཡང་རབ་ལ།། ཆུ་སྲེད་ལྟ་བུའི་མན་ངག་སྦྱིན།། འཛིན་རྩོལ
198b5 བྲལ་བའི་རིག་པ་ལ།། འཇུག་མེད་རིག་པས་དེ་ལྟར་བལྟ།། འོད་གསལ་མ་བཅོས་དང་དུ་བཞག། རྗེས་མི་འབྲང་ཞིང་ཡུལ་མི་འཚོལ།། རང་གསལ་རྐྱེན་བྲལ་ཅིས་མི་འཁྲུགས།། རང་ལ་མི་བསམ་དབྱིངས་མི
198b6 ཚོལ།། འདུ་ཤེས་ཀུན་བྲལ་གསལ་བའི་འོད།། ཕྱོགས་བྲལ་ཀུན་ཁྱབ་དམིགས་སུ་མེད།། རེ་དོགས་བསམ་སྦྱངས་མཐའ་ལས་གྲོལ།། ཕྱོགས་བྲལ་ཉི་འོད་འབར་བ་ལྟར།། བྱིན་རླབས་ཡོངས་སུ་ཁྱབ་པར
iiif viewer powered by OpenSeadragon
