| e-texts navigator |
| Wylie |
198a1 བརྟེན་ཅིང་ལམ་ལྟོས་པ།། སྨོས་ཅི་དགོས་ཏེ་རིགས་དང་བྲལ།། ངེས་ལྡན་དེ་ཡིས་སྔོན་འགྲོས་སྦྱངས།། ཡོན་ཏན་ཀུན་ཚང་བུ་མཆོག་ལ།། དབང་བསྐུར་བྱིན་བརླབས་ཉམས་བྱིན་ན།། ཉི་མ་སྟོང་གི
198a2 འོད་ལྟར་འགྱུར།། ཀུན་གྱི་དབང་བསྐུར་གནང་ཐོབ་ནས།། ཡེ་ཤེས་རང་གསལ་འོད་ལ་བཞུགས།། བདེ་བ་ཕྲག་བརྒྱའི་རོ་མྱོང་ནས།། དེ་ཉིད་ཙམ་གྱིས་རྫོགས་སངས་རྒྱས།། རྩོལ་མེད་གནས་པའི་རྣལ་འབྱོར
198a3 ལ།། ཀླུང་དུ་ཞུགས་པའི་རིག་པ་ཡིས།། བཅོས་མེད་འོད་གསལ་ཉིད་དུ་གནས།། ནམ་མཁའི་མཐའ་དང་མཉམ་སྦྱོར་བས།། ཡོན་ཏན་གྲངས་མེད་སྙིང་པོར་རྫོགས།། དེ་ལྟར་བླ་མ་མཉེས་བྱས་ནས།། རིན་ཆེན
198a4 དཔལ་བེའུའི་སྒོ་ཕྱེ་སྟེ།། གང་ལྟར་ཡིན་པའི་ཐབས་ཉིད་ཀྱིས།། རིན་ཆེན་ངོ་བསྟན་དྲོད་ཚད་བཤད།། བརྒྱུད་པ་ཐབས་ཀྱི་མེ་ལོང་གིས།། མངོན་གསལ་རིན་ཆེན་འབར་བ་ལ།། མཚོན་ཞིང་བརྟགས་པ་མ་ཡིན།
198a5 ཡང་།། འདུལ་དབང་ངོ་ལ་དེ་ལྟར་གསལ།། ཐིག་ལེ་འོད་གསལ་ཏིང་འཛིན་གྱིས།། ཐ་དད་དམིགས་གསལ་གཅིག་ལ་གནས།། གནས་མེད་རང་གསལ་ཡེ་ཤེས་པས།། འབབ་ཆུ་འདྲ་བའི་མན་ངག་སྦྱིན།། མི་གནས
198a6 དྲག་པོའི་བློ་ཉིད་ལ།། གླང་ཆེན་རྟོད་པའི་མན་ངག་སྦྱིན།། དེར་ཡང་མི་གནས་འགྲོ་བ་ལ།། གླང་ཆེན་ཕྱལ་བ་སྦྱིན་པར་བྱ།། འཛིན་མེད་ཡལ་བའི་གང་ཟག་ལ།། གཟུངས་ལྡན་རིག་པའི་མན་ངག་སྦྱིན།། ཐབས་དང
iiif viewer powered by OpenSeadragon
