| e-texts navigator |
| Wylie |
197a1 བཅོས་དབྱིངས་ལ་འཇུག། བསམ་མེད་རིག་པའི་གདེང་གིས་གནས།། བསམ་མེད་དཔྱད་མེད་ས་ལེ་བ།། དམིགས་མེད་དོན་ལ་རྟག་ཏུ་བཞུགས།། རྒྱལ་ཐབས་ཚངས་པའི་མན་ངག་གིས།། འཁོར་བ
197a2 མ་བཅོས་གནས་སུ་སྦར།། གཏད་འཛིན་བྲལ་བའི་བློ་ཡིས་ནི།། རྣམ་རྟོག་ཡེ་ཤེས་སྙིང་པོ་མཁྱེན།། སྒྲིབ་མེད་གསལ་བའི་ཡེ་ཤེས་ལ།། བཅོས་མེད་རིག་པའི་བློ་ཡིས་འཇུག། སྙིང་རྗེ་ཐབས་མཁས་སྤྱོད་པ་ཡིས།། མ
197a3 ལུས་མ་བཅོས་རིག་པར་གསལ།། གང་དང་གང་གི་ཐབས་ཉིད་ཀྱིས།། བསམ་པ་དེ་དེ་རིམ་སྦྱར་ནས།། མོས་འཇུག་ཐ་དད་དབང་གིས་ན།། དུས་གཅིག་འགྲོ་ལྔ་བྱང་ཆུབ་ལམ།། སྤྲོས་བྲལ་རིག་པའི་དཀྱིལ་འཁོར
197a4 ལ།། བཅོས་མེད་རིག་པའི་སེམས་ཀྱིས་གནས།། བྱར་མེད་ལྷུན་གྲུབ་ཕྲིན་ལས་ལ།། བྱ་བཙལ་མེད་པར་རང་བཞིན་གནས།། དེ་བཞིན་ཉིད་ཀྱི་དབྱིངས་ཉིད་ལ།། མ་བགྲོད་ལམ་ཀུན་རྫོགས་པར་གསལ།། འཕྲུལ
197a5 ཚིག་རིག་པའི་སྒྲོན་མ་ཡིས།། བསམ་པ་བྱེ་བྲག་ཇི་བཞིན་གསལ།། དབང་དང་བྱིན་ལྡན་ཐབས་མཁས་པ།། རྡོ་རྗེ་མཆོག་གི་རྣལ་འབྱོར་རོ།། ཡོན་ཏན་བཅུད་འཛིན་རྡོ་རྗེ་ལ།། དམ་པར་གནས་པའི་གང་ཟག
197a6 གིས།། གཡོ་སྒྱུ་མ་དད་སེམས་བྲལ་ཞིང་།། འབབ་ཆུ་དགེ་སློང་ཚུལ་འཛིན་པས།། སྒོ་གསུམ་དྲན་པའི་སྒོ་ཉིད་ནས།། ལུས་དང་ངག་སེམས་ཡོ་བྱད་དང་།། ཞིང་དང་བྲན་ཕོ་བྲན་མོ་དང་།། ཆུང་མ་གསེར་དངུལ་རིན
iiif viewer powered by OpenSeadragon
