| e-texts navigator |
| Wylie |
195b1 མཉམ་པའི་ཡིད་ཀྱིས་འཇུག། མཐོང་མེད་རིག་པའི་ཁ་ལོ་བསྒྱུར།། ཡི་གེ་མཐོང་བའི་དོན་དུ་མཐོང་།། མཚན་མའི་སྒྲ་ཡི་རྗེས་འབྲངས་ནས།། སྤྲོས་བྲལ་རིག་པའི་དོན་དང་འགལ།། མ་བཙལ་རང་བྱུང་འོད་གསལ
195b2 བས།། མཐའ་དབུས་མེད་པའི་དབྱིངས་ལ་ཐིམ།། གསང་དང་གསང་ཆེན་རབ་གསང་བ།། རང་གསལ་སྤྲོས་བྲལ་གཅིག་ལ་འདུས།། ཡེ་ཤེས་རང་གསལ་རིག་པའི་འོད།། ཕྱོགས་རིས་མི་མངའ་ཡོངས་ལ
195b3 སྙོམས།། མཉམ་ཉིད་རིག་པའི་ངོ་བོ་ནི།། གང་ཡང་ཡིན་ནོ་རྣམ་ཀུན་བཅས།། རང་རིག་འཕོ་འགྱུར་མེད་པ་ལ།། ཇི་ལྟར་གསལ་ཡང་འདི་ཞེས་མེད།། ཀུན་གསལ་མེ་ལོང་འོད་པོ་ཆེ།། ཡེ་ཤེས་རྫོགས་པའི་ངོ་བོ
195b4 ལ།། ཡེ་ནས་ཐིག་ལེ་ཆེན་པོར་གསལ།། བདག་གཞན་ཡེ་ཤེས་དབྱིངས་སུ་རྫོགས།། རྒྱལ་པོ་ཀུན་གྱི་དབང་པོ་ལྟར།། བླ་མ་དམ་པ་རྡོ་རྗེ་འཛིན།། རྡོ་རྗེ་སེམས་དཔའ་མངོན་བྱུང་བ།། འཕྲུལ་ཚིག་རིག་པའི་སྒྲོན་མ
195b5 ཡིས།། གཏེར་ཁྱིམ་དཔལ་བེའུའི་སྒོ་ཕྱེ་ནས།། སྐྱེ་བ་མེད་པའི་བརྡ་དོན་སྤྲད།། བགྲོད་པ་མེད་པའི་ས་ལ་བཞག། འཆི་བ་མེད་པའི་ཆོས་སྐུར་སྟོན།། རྟོག་པའི་ཤེས་རབ་གློ་སྐར་དུ།། རང་གསལ་ཉི་མས་ཁྱབ་པར
195b6 གད་ལ།། རིན་ཆེན་པར་བུ་སྒོ་ཕྱེ་ལ།། རྡོ་རྗེ་སེམས་དཔའི་ཐུགས་བཅུད་བསྒོམས།། ཐབས་སྦྱོར་རིག་པའི་སྒོ་བཀྲོལ་ཏེ།། ཡེ་ཤེས་གསང་བའི་མན་ངག་བསྟན།། སྒྲ་ཚིག་མེད་པའི་རིག་པ་ཡིས།། རང་གསལ་རིག་པའི
iiif viewer powered by OpenSeadragon
