| e-texts navigator |
| Wylie |
194b1 བཅད།། རྣམ་དག་གསལ་བའི་ཡེ་ཤེས་ལ།། མཐའ་ཡི་མུན་པ་མ་བསལ་དག། བརྡ་དོན་སྤྲད་པ་མ་གཏོགས་པ།། མཚན་མ་སྒྲ་ཡི་རྗེས་མི་འཇུག། རང་གསལ་ཉི་མའི་སྙིང་པོ་ལྟར།། གསལ་ཡང་འདུ་ཤེས་མེད་པར
194b2 གནས།། ནམ་མཁའ་མི་འགྱུར་རྟག་པ་ལྟར།། ཀུན་འབྱུང་རྟག་ཆེན་འགྱུར་མེད་ཀློང་།། རྡོ་རྗེ་སེམས་དཔའ་ལྷ་བཞིན་དུ།། བསྒོམ་དང་བྲལ་བའི་དབྱིངས་སུ་རྫོགས།། འཕྲུལ་དགའི་ལོངས་སྤྱོད་ཚུལ་དེ་བཞིན།། རང
194b3 ལས་འཕྲུལ་ཞིང་འདོད་དགུར་བསྒྱུར།། རྒྱ་མཚོའི་གཟིངས་ཀྱི་བྱ་རོག་ལྟར།། བསྐོར་ཞིང་རང་གི་དབྱིངས་ལ་ཐུག། ཐུབ་དབང་ནོར་བུ་དེ་ཇི་ལྟར།། གང་ལྟར་བསྟན་པ་དེ་ལྟར་རོ།། སྤྱི་གཙུག་ནོར་བུ་ཇི་བཞིན་དུ།། མ
194b4 བཙལ་རང་གསལ་དབྱིངས་ལ་གནས།། བཅུད་འཛིན་རིན་ཆེན་གཏེར་བཞིན་དུ།། སྒྲོ་བསྡུ་གཡོ་མེད་ཇི་བཞིན་གསལ།། དབྱིངས་ལ་གསལ་བའི་འོད་བཞིན་དུ།། མ་འདྲེས་རང་གསལ་འདུ་ཤེས་བཅད།། རྒྱལ་བའི
194b5 གཙུག་ཏོར་ཇི་བཞིན་དུ།། བལྟས་པས་ཐུག་མེད་ནམ་མཁའི་དབྱིངས།། སྣང་སྲིད་གསལ་བའི་མེ་ལོང་ལྟར།། ཐ་དད་གསལ་ཡང་དབྱིངས་ལ་རྫོགས།། ཀ་ལ་པིང་ཀའི་ལམ་གནས་བཞིན།། གང་ལྟར་བགྲོད་ཀྱང
194b6 བསམ་བྲལ་དབྱིངས།། བུ་མོ་དགའ་བའི་རོ་བཞིན་དུ། ཁྱབ་པར་གསལ་ཡང་ཉམས་མྱོང་མེད།། རིན་ཆེན་ཤེལ་གྱི་ས་གཞི་ལྟར།། ཅིར་གསལ་མི་གཡོ་རྫས་བྲལ་དབྱིངས།། རྒྱ་མཚོ་འདུ་བའི་ཡང་ལྦུ་བའི་སྙིང་པོ
iiif viewer powered by OpenSeadragon
