| e-texts navigator |
| Wylie |
194a1 ནི།། རིན་ཆེན་དབྱིག་དང་འཕྲད་བྱའི་ཕྱིར།། རིན་ཆེན་ཕུང་པོ་རང་གསལ་དོན།། གང་གིས་གསལ་བ་བཤད་དུ་གསོལ།། ཞེས་གསོལ་ཏོ།། རྡོ་རྗེ་སེམ་དཔའ་ཆེན་པོས་འདི་སྐད་ཅེས་གསུངས་སོ།། ཀྱེ
194a2 སེམས་དཔའ་ཆེན་པོ།། ནམ་མཁའི་མཐའ་དང་མཉམ་སྦྱོར་བའི།། ནམ་མཁའ་རྒྱས་པའི་མཐའ་བཞིན་དུ།། མཐའ་དབུས་མེད་པའི་སྙིང་པོ་ལ།། ཇི་ལྟར་བསམ་པ་དེ་ལྟར་འབྱུང་།། གསང་བའི་རྒྱ་མཚོ་རིན་ཆེན
194a3 དབྱིག། ཐབས་སྦྱོར་རང་གསལ་བསམ་མི་ཁྱབ།། རང་གསལ་འོད་ལ་རྟག་ཏུ་བཞུགས།། རིན་ཆེན་འཕྲུལ་གྱི་དབྱིག་ལ་བརྟག། རྡོ་རྗེའི་ལུང་དང་མི་ལྡན་པར།། གསུང་གི་ཉིང་ཁུ་བྲལ་བ་ཡིས།། རང་གསལ་རིག
194a4 པའི་འཁོར་ལོ་ལ།། བསྐལ་པར་བརྟགས་ཀྱང་དོན་མི་རྙེད།། རྣ་བརྒྱུད་ཐུགས་ཀྱི་རིན་ཆེན་ལ།། རིག་སྦྱོར་ཐུགས་ཀྱི་རྣལ་འབྱོར་པས།། བླ་མ་རྡོ་རྗེ་སྲོག་ཏུ་འཛིན།། ཡོ་བྱད་སྙིང་པོས་མཉེས་བྱས་ཏེ།། སྒོ་གསུམ་བྲན
194a5 ཁས་བླངས་ན།། རིན་ཆེན་དབྱིག་དང་ཕྲད་བྱས་ནས།། བརྡ་དོན་དགྲོལ་བའི་རིམ་པ་ཡིས།། རྒྱལ་ཐབས་རིག་པ་ཚངས་དབང་གིས།། སྐད་ཅིག་སངས་རྒྱས་ས་དང་འཕྲད།། བདེ་བ་ཕྲག་བརྒྱའི་དོན་ཐོབ
194a6 ནས།། དུས་མཐའི་སྐད་ཅིག་ཉིད་ལ་ནི།། ཕྱོགས་བཅུའི་ཞིང་ཁམས་ཁྱབ་པར་གསལ།། རང་གསལ་རིག་པའི་སྒྲོ་སྐུར་བཅད།། འདུ་ཤེས་བྲལ་བའི་དབྱིངས་ལ་རྫོགས།། སྤྲོས་བྲལ་མཚན་མའི་འདུ་ཤེས
iiif viewer powered by OpenSeadragon
