| e-texts navigator |
| Wylie |
192b1 བརྟགས་པ་ཡིས།། གླིང་བཞི་མི་ཡི་ལོངས་སྤྱོད་དང་།། བདེ་སྡུག་འཁོར་བའི་སྡུག་བསྔལ་ཡང་།། རང་བྱུང་ངང་ལ་གཉིས་མེད་པས།། རང་གསལ་ཡེ་ཤེས་སྙིང་པོར་རྫོགས།། གཏི་མུག་འཐིབས་ཤིང་བསྒྲིབས་དབང
192b2 གིས།། བྱོལ་སོང་གནས་སུ་ལྷུང་གྱུར་ཀྱང་།། སྡུག་བསྔལ་དངོས་ལ་མི་གནས་པས།། དེ་དག་རིག་པའི་འཁོར་ལོར་རྫོགས།། སེར་སྣ་ཆགས་བཅིངས་འབྲས་བུ་ཡིས།། ཟས་དང་ལོངས་སྤྱོད་ཕོངས་པ་དང་།། འདོད་པ
192b3 ཡིད་དུ་མི་འོང་བ།། དངོས་ལ་དེ་ལྟར་གནས་མ་ཡིན།། ཕྲག་དོག་གདུག་རྩུབ་དབང་གིས་ནི།། འཐབ་རྩོད་འཁྲུག་པའི་སྡུག་བསྔལ་དེ།། རང་བྱུང་དངོས་ལ་མི་གནས་པས།། རང་གསལ་རིག་པའི་འཁོར་ལོར
192b4 རྫོགས།། ཀུན་གཞི་མ་སྐྱེས་ཆོས་དབྱིངས་ལ།། རིག་པ་རང་གསལ་མཛོད་དགུར་འབྲེལ།། རིན་ཆེན་ཀློང་དགུ་ཐུགས་ལ་གསལ།། རང་གནས་རིག་པའི་གཏེར་ལ་རྫོགས།། མ་བཅོས་སྤྲོས་བྲལ་ཆོས་ཀྱི
192b5 གཏེར།། ཀུན་འབྱུང་རིན་ཆེན་ཕུང་པོ་ལ།། འཕེལ་འགྲིབ་མེད་པ་ནམ་མཁའི་ངང་།། ཀུན་གཞི་ཆོས་ཀྱི་མཛོད་དུ་གསུངས།། འབྱུང་ལྔ་ངོ་བོ་མ་སྐྱེས་པ།། དེ་ཉིད་དཔ་ལ་རང་བྱུང་ཞིང་།། ཀུན་ཁྱབ་ཀུན་སྤྱོད་ཀུན
192b6 གནས་པས།། ནམ་མཁའ་འབྱུང་ལྔ་སྐྱེ་འགྲོའི་མཛོད།། ཆོས་སྐུ་མཁའ་ལྟར་དག་པ་ལས།། བྱིན་རླབས་སྣ་ཚོགས་རྒྱུན་མི་འཆད།། རང་གསལ་ངང་དུ་ཀུན་འདུས་པས།། ཆོས་སྐྲ་བྱིན་གྱི་རླབས་ཀྱི་མཛོད།། བལྟ་མེད
iiif viewer powered by OpenSeadragon
