| e-texts navigator |
| Wylie |
192a1 དབྱིངས་སུ་རྫོགས།། ཡེ་ནས་བྱང་ཆུབ་སྙིང་པོ་ལ།། ཡིན་མིན་གཉིས་ལས་སྒྲོ་སྐུར་བྱུང་།། དེ་དག་མི་གནས་མཐའ་བྲལ་བས།། དངོས་ལ་དེ་དག་ཀུན་དང་བྲལ།། དཔེར་ན་མཁའ་ལས་ཁབ་ལྷུང
192a2 བ།། འཁྲུལ་པའི་ངོ་ལ་སྣང་བ་ལས།། རྟོག་ལ་དེ་དག་གཉིས་ཀ་མེད།། སྒྲོ་འདོགས་གློ་བུར་འདོགས་པའི་ཆོས།། སྐུར་འདེབས་སྟོང་མཐའ་མེད་པའི་མཐའ།། འདི་ཀུན་ལོག་པའི་གྲོང་ཁྱེར་བ།། རྡོ་ལ་གསེར་དུ་ཞེན
192a3 པ་ལྟར།། རང་རང་བརྟགས་སྣང་ལ་ཞེན་པས།། ཕྱོགས་མེད་རང་སྣང་འབྲས་འདོད་པ།། རང་གསལ་འབྲས་བུ་རྙེད་རེ་སྐན།། དེ་བས་རང་གསལ་མཉམ་པ་ལ།། རིམ་པ་མེད་པའི་སེམས་ཀྱིས་འཇུག། སྒྲོ་བྲལ་རིག
192a4 པའི་འཁོར་ལོ་གསལ།། སྐུར་བྲལ་རིག་པ་རང་གསལ་ལུང་།། ཕྱོགས་བྲལ་མཉམ་ཉིད་རིག་པའི་གཏེར། འཇུག་མེད་བསླད་མེད་ཇི་བཞིན་གནས།། མཉམ་ཉིད་ནམ་མཁའི་མཐའ་མཉམ་རྒྱུད།། ཐིག་ལེ་གཅིག་ཏུ
192a5 གནས་པ་ལ།། མ་རྟོག་དབང་གིས་དྲུག་ཏུ་སྣང་།། ཀུན་ཀྱང་ཐིག་ལེ་ཆོས་ཉིད་གསལ།། ཞེ་སྡང་མ་བཅོས་དབྱིངས་གསལ་ན།། དམྱལ་བའི་མེ་ལྕེ་འོད་འབར་ཡང་།། སྡུག་བསྔལ་དངོས་ལ་མ་གྲུབ་པས།། མ་བཅོས
192a6 དབྱིངས་ལས་གཞན་མ་ཡིན།། ང་རྒྱལ་མངོན་མཐོ་ལྷར་གསལ་ནས།། ལོངས་སྤྱོད་བདེ་སྡུག་སོ་སོ་ཡང་།། མ་བཅོས་ངང་ལ་གཉིས་མེད་པས།། གཉིས་མེད་ངང་ལ་ལྷུན་གྱིས་རྫོགས།། འདོད་ཆགས་ཞེན་འཇུག
iiif viewer powered by OpenSeadragon
