| e-texts navigator |
| Wylie |
191b1 དང་།། གང་ཕྱིར་ཕྲག་དོག་ཆེན་པོ་ནི།། བཙལ་མེད་ཡེ་ཤེས་ལྔར་གསལ་བས།། ཡེ་ཤེས་ཉི་ལྟར་ཀུན་ལ་བརྡལ།། འདོད་ལྔ་ཡུལ་ལྔ་ཀུན་གྱི་གསོས།། རང་བྱུང་ཐུགས་རྗེ་ཡོངས་ཀྱི་གསོས།། རང་གི་རོལ་པ་རང་ལ
191b2 སྣང་།། རང་གི་ལོངས་སྤྱོད་རང་ལ་མཛད།། མ་རིག་འཐིབས་པའི་འགྲོ་བ་ལ།། སྣང་གསལ་སྒྲོན་མ་རང་བཞིན་འཆར།། འཁོར་བ་ཉིད་ན་ཡེ་སངས་རྒྱས།། སྡུག་བསྔལ་ལོངས་སྤྱོད་བདེ་བའི་རྒྱན།། གདོད་ནས་ཡེ
191b3 ཤེས་རང་གསལ་ལ།། གཉིས་སུ་བཏགས་པ་འཁྲུལ་པའི་ལམ།། སྐུ་དང་གསུང་ཐུགས་ཕྲིན་ལས་ཀུན།། རིག་པ་གསལ་བའི་དབྱིངས་ལ་གསལ།། མཁའ་ལ་བྱ་ལམ་འདྲ་བ་ཡི།། ནམ་མཁའི་དབྱིངས་ཐིམ་གསལ་མི
191b4 འགྱུར།། ཞིང་ཁམས་དབང་ཐོབ་རྫུ་འཕྲུལ་ཡང་།། མཉམ་ཉིད་རིག་པའི་གཏེར་ལ་རྫོགས།། མཛད་སྤྱོད་དགོངས་པ་མཐའ་ཡས་ཀྱང་།། རང་གསལ་ཡེ་ཤེས་ངང་ལ་གནས།། རང་བཞིན་གཉིས་མེད་མཁའ་ལྟར
191b5 བརྡལ།། མཛད་པའི་བྱིན་རླབས་སྐར་ལྟར་བཀྲམ།། ཐུགས་རྗེའི་བྱིན་རླབས་འོད་ལྟར་བརྡལ།། རང་གསལ་དང་ལ་འདུ་འབྲལ་མེད།། རིག་པའི་ཡེ་ཤེས་ཉག་གཅིག་ལ།། བྱིན་རླབས་ཡིད་བཞིན་ནོར་བུ་ལྟར།། འགྲོ
191b6 དྲུག་རང་སྣང་འཁོར་ཚོགས་ལ།། འབྲས་བུ་ནམ་མཁའི་ཆར་བཞིན་འབབ།། གཉིས་མེད་གཅིག་གི་རང་བཞིན་ལ།། ཇི་ལྟར་བརྟགས་བསམ་འབྱུང་བས་ན།། རང་གསལ་མེ་ལོང་འོད་པོ་ཆེ།། ཡུལ་མེད་གསལ་བའི
iiif viewer powered by OpenSeadragon
