| e-texts navigator |
| Wylie |
191a1 སྙོམས།། མཐའ་བྲལ་ནམ་མཁའི་སྙིང་པོ་ལྟར།། གསལ་ལ་བརྟགས་ན་དམིགས་དང་བྲལ།། མི་གཡོ་འཛིན་བྲལ་མཉམ་ཉིད་གཏེར།། རང་བྱུང་བསྟན་པ་རང་ལས་འཆར།། རང་གསལ་འཁོར་ལོ་རང
191a2 ལ་བསྐོར།། རང་གསལ་ཉི་མ་ཀུན་གྱི་གཏེར།། ཀུན་ལ་གནས་སོ་བརྟག་བྲལ་དབྱིངས།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། རིན་ཆེན་ཤེས་བྱ་གཏེར་གྱི་ལེའུ་སྟེ་བཞི
191a3 པའོ།། །། དེ་ནས་སེམས་དཔའ་རྡོ་རྗེས་རྡོ་རྗེ་སེམས་དཔའ་ཆེན་པོ་ལ་འདི་སྐད་ཅེས་གསོལ་བ་བཏབ་བོ།། རང་གསལ་ཉི་མ་འོད་ཀྱི་མཆོག། མཛོད་དགུ་རིག་པའི་གཏེར་དང་ལྡན།། ལྷུན་གྲུབ་བྱ་བྲལ་རྫོགས
191a4 ལུང་ལས།། མཛོད་དགུས་འདོད་པ་ཆར་ཕོབ་ལ།། ཉོན་མོངས་ཡེ་ཤེས་གཅིག་ཏུ་སྣང་།། གཅིག་ལ་དགུར་ཕྱེ་བཤད་དུ་གསོལ།། དེ་ནས་རྡོ་རྗེ་སེམས་དཔའ་ཆེན་པོས་འདི་སྐད་ཅེས་བཀའ་སྩལ་ཏོ།། ཀྱེ་སེམས་དཔའ
191a5 ཆེན་པོ།། ཐིག་ལེ་གཅིག་ལ་གཉིས་སུ་ཕྱེ།། དབེན་པ་གཅིག་ལ་སྒྲོ་སྐུར་བྱུང་།། འགྲོ་དྲུག་གཅིག་ལ་སོ་སོར་བལྟས།། མཛོད་དགུ་རིག་པའི་གཏེར་ལ་བསྒྲིབས།། ཐིག་ལེ་ཡོངས་ཀྱིས་ཟླུམ་པོ་ལ།། འཁོར་དང་མྱང
191a6 འདས་ཡེ་ནས་མེད།། འཁོར་བ་བྱང་ཆུབ་སྙིང་པོ་ལ།། སྡུག་བསྔལ་ཀུན་བཟང་རོལ་པར་ཤར།། དེ་ཉིད་སྤྲོས་མེད་ཐིག་ལེར་གསལ།། གསལ་ཡང་མི་མངོན་དབྱིངས་སུ་ཐིམ།། ཆགས་སྡང་གཏི་མུག་ང་རྒྱལ
iiif viewer powered by OpenSeadragon
