| e-texts navigator |
| Wylie |
190b1 བྲལ་རང་གསལ་རིག་གསུངས་ལ།། བརྗོད་དང་མི་བརྗོད་འདུ་ཤེས་སྤངས།། ཕྱོགས་མེད་རང་གསལ་ཡེ་ཤེས་ལ།། འདུ་ཤེས་མི་མངའ་གཅིག་གི་གཏེར།། རང་གསལ་འབྲས་རྫོགས་སྙིང་པོ་ལ།། དངོས་གྲུབ་ཉི་མའི
190b2 འོད་ལྟར་འཆར།། མཁྱེན་བྲལ་གཟིགས་མེད་ཡེ་ཤེས་སྤྱན།། དགོངས་མེད་སྙིང་པོའི་དོན་ལ་གཟིགས།། མ་འདྲེས་མཁྱེན་པའི་སྙིང་པོ་ལས།། འདོད་དགུའི་བྱིན་རླབས་ཆར་དུ་འབབས།། ནམ་མཁའི་ཀློང་ཡངས་ཇི
190b3 བཞིན་དུ།། བརྗོད་མེད་ཀློང་ལ་ཐམས་ཅད་རྫོགས།། གསལ་བ་ཉི་མའི་སྙིང་པོ་ལྟར།། རང་གསལ་བྱིན་རླབས་དབྱིངས་སུ་རྫོགས།། འདོད་འབྱུང་རིན་ཆེན་ཕུང་པོ་ལྟར།། ཕྱོགས་རིས་མི་མངའ་ཡོངས
190b4 ཀྱི་གཏེར།། རྩལ་ཆེན་རྫོགས་པའི་སེང་གེ་ལྟར།། རྩོལ་བསྒྲུབ་ཟིལ་གནོན་གཅིག་ཏུ་རྫོགས།། འཕུར་སྐྱེན་མཁའ་ལ་འགྲོ་བ་ལྟར།། བགྲོད་མེད་ས་རྣམས་ཅིག་ཆར་ནོན།། གཟའ་བྲལ་རིག་པའི་དབྱིངས་སུ
190b5 རྫོགས།། ཐམས་ཅད་གསལ་སྣང་རིག་པར་རྫོགས།། མཁའ་ལ་གཟའ་སྐར་བཀྲམ་པ་ལྟར།། མ་འདྲེས་རང་གསལ་དབྱིངས་སུ་རྫོགས།། རྡོ་རྗེ་སེམས་དཔའ་དེ་བཞིན་གཤེགས།། མ་བཅོས་ཇི་བཞིན་རིག་པའི
190b6 ཀློང་།། ཤེས་པར་གྱིས་ལ་རང་དགར་ཞོག། སྤྲོས་མེད་རྒྱུ་རྐྱེན་རྟེན་བྲལ་བ།། ནམ་མཁའ་རང་བྱུང་སྟོབས་པོ་ཆེ།། རང་བྱུང་གཞན་མེད་རང་གི་དབྱིངས།། གང་ལྟར་བཞག་པ་དེ་ལྟར་ཡིན།། རང་གསལ་ཉི་མ་ཀུན་ལ
iiif viewer powered by OpenSeadragon
