| e-texts navigator |
| Wylie |
18b1 ཆེ་བས།། ཕོ་རྩ་ཞེས་ནི་བརྗོད་པ་ཡིན།། དེ་ལ་ཐབས་ཀྱི་རྩ་ཞེས་བརྗོད།། མཁས་པ་ཆེན་པོ་ཐབས་ཆེ་བ།། བྱང་ཆུབ་སེམས་དཔའ་རྣམས་ལ་སྣང་།། མོ་ནི་ཐུགས་རྗེ་ཤས་ཆེ་བས།། མོ་རྩ་ཞེས་ནི་བརྗོད་པ
18b2 ཡིན།། ཤེས་རབ་རང་བཞིན་བུད་མེད་ཡིན།། རཀྟ་འབབ་ཅིང་ཟད་ཐལ་ཡོད། མཚན་ལྡན་བུད་མེད་ཅེས་བྱ་བ།། བྱང་ཆུབ་སེམས་མ་རྣམས་ལ་སྣང་། ཡིད་འོང་མཛེས་མའི་མདོག་ལྡན་མ།། ཡིད་འོང་མཛེས་པའི
18b3 གཟུགས་འཆང་ཡིན།། ཞེས་གསུངས་སོ།། མ་ནིང་མ་ནིང་ཞེས་བྱ་བ།། རྩ་གཉིས་ཁ་ནི་བསྣོལ་བ་ལས།། མ་ནིང་མཚན་མ་གཉིས་དང་ལྡན།། ཐུགས་རྗེ་མི་འགག་དང་པོའི་གཞི།། བར་དུ་མ་རིང་ཟ་རུ་བྱུང་།། ཐ་མ
18b4 དངོས་སུ་མ་ནིང་ངོ་།། མ་ནིང་ཆེན་པོ་ཆེ་ཡང་དེ་ལྟར་ཤེས།། ཕོ་མོ་རྒོད་ལྡན་རྩ་ཡི་རོ་རྐྱང་གནད།། རོ་རྐྱང་ཁ་འཕེལ་འགྲིབ་པ་འབྱུང་།། དེས་ན་ཕོ་མོར་བྱུང་བ་ཡང་།། རྩ་ཡི་སྲིད་མཐའ་མི་ལྟ་བུ་རུ
18b5 འབྱུང་བ་ཡིན།། རི་དྭགས་ལྟ་བུའི་སྐད་དང་ནི།། གླང་པོ་ལྟ་བུའི་སྐད་འབྱུང་བས།། ཕོ་རྩེ་མོ་རྩའི་མཚན་ཉིད་ཅེས།། གཉིས་འཛོམ་པས་ནི་སྙོམས་པ་ཡིན།། བྱིས་པ་མཚེ་མར་འབྱུང་བ་ཡང་།། ཟླ་མཚན་དུས་མྱུར
18b6 གཉིས་འདོམས་པས།། བྱིས་པ་མཚེ་མར་འབྱུང་བ་ཡིན།། སྐྱེ་བ་སྔ་ཕྱིར་འབྱུང་བ་ཡང་།། རླུང་དང་ཐིག་ལེའི་རྩལ་སྟོབས་ཡིན།། མཁས་པ་ཐབས་དང་ལྡན་པ་ཡང་།། ཐབས་ཀྱི་རྩ་ནི་ཤས་ཆེ་ཡིན།། རྟོགས་པ་ཤེས
iiif viewer powered by OpenSeadragon
