| e-texts navigator |
| Wylie |
18a1 ཞག་དྲུག་བར་དུ་འབབ།། སྙིང་དང་ལྟེ་བར་དེ་བཞིན་ནོ།། དངས་མ་རྒྱས་པ་དྲུག་ཏུ་འདོད།། དེ་བས་མི་འབྱུང་རང་དབང་མེད།། དེ་ནས་སྣ་རུ་འབྱུང་བ་ཡང་།། རོ་རྐྱང་གཉིས་ནས་བྱུང་བ་ཡིན།། དེ་ཉིད
18a2 མེད་པར་གྱུར་པ་ན།། ཐབས་དང་ཤེས་རབ་བརྟེན་ས་མེད།། གཞི་ནི་ངོ་བོ་ཐུགས་རྗེའོ།། ལམ་ནི་རིག་དང་མ་རིག་སྣང་།། རགས་པ་འགྱུ་བ་འོད་དུའོ།། དངོས་པོ་ཐབས་དང་ཤེས་རབ་རྩ།། དེ་གས་འདུས་པ་དྷཱུ་ཏི
18a3 ཡིན།། དེ་ལ་འཁོར་ལོ་རྣམ་པ་ལྔ།། སྤྱི་བོ་བདེ་བ་ཆེན་པོ་ན།། ཐིག་ལེ་དཀར་དམར་འཛག་པ་ནི།། ཧཾ་ཁ་ཐུར་དུ་བལྟས་པ་ཡིན།། ཧ་ནི་ཕྲིན་ལས་ལྗང་གུའི་མདོག། ང་ནི་རང་བྱུང་ཐིག་ལེ་ཡིན།། ཞག་དྲུག་བར་དུ་རྩ
18a4 རྣམས་བསྐོར།། དེས་ན་བདེ་ཆེན་འཁོར་ལོ་ཡིན།། འཁོར་ལོ་ངར་དང་ལྡན་པ་བཞིན།། བདེ་བའི་ངར་གྱིས་རྩ་རྣམས་གསོ།། བདེ་བ་སྐྱེ་བ་དེ་ལྟར་ཡིན།། དེ་བཞིན་འཁོར་ལོ་བཞི་རྣམས་ལ།། རེ་མོས་རེ་མོས་འཁོར
18a5 བས་ན།། འཁོར་ལོ་ལྔ་ཞེས་བརྗོད་པ་ཡིན།། གསང་བའི་རྩ་ཡི་གནད་མེད་ན།། བདེ་ཆེན་ཡེ་ཤེས་ངོས་མི་ཟིན།། ཐིག་ལེས་རྩ་རྣམས་མ་བརྒྱན་ཞིང་།། འཁོར་ལོ་བཞིན་དུ་མི་བསྐོར་ན།། རྩ་རྣམས་ཐམས་ཅད་སྔོ
18a6 བསྐམ་འགྱུར།། རྩ་རྣམས་བསྐམས་པར་གྱུར་པ་ན།། འཆི་བ་ཞེས་ནི་བརྗོད་པ་ཡིན།། ཐིག་ལེའི་གནད་དང་དུས་མི་མྱོང་།། སྐོར་ཟློག་མི་བཏུབ་གྱུར་པ་ན།། འཆི་བའི་རྟགས་སུ་བཤད་པ་ཡིན།། ཕོ་ནི་གསལ་བ་ཤས
iiif viewer powered by OpenSeadragon
