| e-texts navigator |
| Wylie |
189b1 མེད་སེང་གེའི་སྒྲ་སྒྲོག་པ།། དཔལ་ལྡན་ཀུན་མཁྱེན་རྣམ་གྲོལ་ཐུགས།། འཇིག་རྟེན་གསལ་བའི་ཉི་མ་ཡིན།། རང་བྱུང་ཤེས་རབ་འོད་པོ་ཆེ།། རང་གསལ་རིག་པ་རང་ལས་འཆར།། ཐོས་བསམ་བསྒོམ་པ་གསལ་བྱེད
189b2 ལུང་།། ངེས་པར་རྟོག་པའི་རྐྱེན་དུ་བཤད།། རིན་ཆེན་འཕྲུལ་གྱི་ཁང་པ་དག། ཀུན་གྱི་ཟད་མེད་གཏེར་འཆང་བ།། ཐེག་སྒོ་ལྡེ་མིག་རིག་པའི་ཚུལ།། གང་ཕྱེའང་ནམ་ཞིག་ཐོབ་པར་འགྱུར།། ཐེག་པའི་བྱེ་བྲག་ཅི
189b3 བསྟན་པ།། ཀློང་དགུའི་དོན་ལ་ངེས་པར་འདུས།། ནམ་མཁའ་མཐའ་མཉམ་ཀློང་དགུའི་རྒྱུད།། རྟོགས་པས་རིན་ཆེན་དབྱིག་དང་ཕྲད།། རྣམ་གྲོལ་རིག་པའི་ཕུང་པོ་ལ།། བཙལ་མེད་ལུང་གསུམ་རིག་པ་ཡིས།། རྟོག
189b4 དཔྱོད་འཇུག་པའི་ཡུལ་མེད་ཀྱང་།། དེ་ཉིད་ཙམ་གྱིས་རྫོགས་སངས་རྒྱས།། རྒྱལ་ཐབས་སྤྱི་བླུགས་དབང་ཐོབ་ནས།། ཡེ་ཤེས་རང་གསལ་དོན་དང་སྤྲད།། ཤེས་པ་རྒྱུ་བ་བཞི་ཆའི་དུས།། གསུམ་ནི་རྣམ་པར་རྟོག་པ
189b5 སྟེ།། གཅིག་པོ་ཡེ་ཤེས་གསང་བ་ཡིན།། དུས་ཚོད་བླ་མའི་ཐུགས་ལ་བརྟགས།། བརྒྱུད་པ་ཐབས་ཀྱི་མེ་ལོང་གིས།། མངོན་དུ་གསལ་བ་ཡེ་ཤེས་ལ།། གང་ལྟར་འཚམས་པ་དེ་དག་ཡིན།། རྨོངས་པ་བཀྲི་བའི་ཐབས
189b6 སུ་བསྟན།། བྱས་དང་མ་བྱས་གཉིས་ཀྱི་བར།། འཛིན་བྲལ་དབུ་མའི་ཤེས་པ་གནས། ཡེ་ཤེས་འཛིན་པའི་མན་ངག་སྟེ།། འཕྲུལ་གྱི་སྐྱེས་བུའི་བློ་དང་མཚུངས།། གསལ་བ་དང་པོ་མ་སྐྱེས་མཐའ།། སྐྱེ་ན་མ་སྐྱེས་དོན
iiif viewer powered by OpenSeadragon
