| e-texts navigator |
| Wylie |
188b1 ཤེས་མཛོད་ལྡན་གཉིས་མེད་རྫོགས།། རང་གསལ་ཐམས་ཅད་མཁྱེན་ཉིད་དང་།། མགོན་པོ་ཁྱོད་ལ་གསོལ་བ་ནི།། ངོ་བོ་ཐབས་ཀྱི་མཚན་ཉིད་དེ།། རྣམ་གྲོལ་རིག་པའི་གཏེར་ཁ་དག། མགོན་པོས་བདག་ལ་བཤད
188b2 དུ་གསོལ།། ཞེས་གསོལ་ཏོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་བཀའ་སྩལ་ཏོ།། ཀྱེ་སེམས་དཔའ་ཆེན་པོ།། མཁའ་མཉམ་བྱང་ཆུབ་སེམས་ཀྱི་ལུང་།། ནམ་མཁའི་མཐའ་དང་མཉམ
188b3 པའི་རྒྱུད།། རིན་ཆེན་དབྱིག་དང་ཕྲད་པའི་ཐབས།། ཡེ་ཤེས་གསང་རྫོགས་ཆོས་དབྱིངས་ཉིད།། ངོ་བོ་གཅིག་ལ་བརྟག་པ་གསུམ།། དངོས་དང་བསམ་པ་ཕྱེ་བའི་ཚུལ།། ངོ་བོ་མཁྱེན་ཐབས་ངོ་བོའི་དཔེས།། བཅིང
188b4 གྲོལ་ཚུལ་གྱིས་ཕྱེ་བ་ཡིན།། ཀུན་འདུས་ནམ་མཁའི་མཐའ་མཉམ་ལ།། ཀུན་ཏུ་རང་གསལ་དབྱིངས་ལ་རྫོགས།། མི་གནས་མི་བསམ་ཅིར་མི་དགོངས།། སྤྲོས་བྲལ་རིག་པའི་འཁོར་ལོ་གཏེར།། སངས་རྒྱས་མ་ཡིན
188b5 སེམས་ཅན་མིན།། གཉི་ག་མ་ཡིན་རང་གསལ་ལུང་།། སྒོ་དང་སྐུར་པ་རྣམ་པར་བཅད།། མཐའ་དབུས་བྲལ་བའི་སྙིང་པོ་ནི།། ཕྱོགས་བྲལ་མཉམ་ཉིད་རིག་པའི་གཏེར།། རིན་ཆེན་ནོར་བུའི་ཕུང་པོ་བཞིན།། ཀུན་ལ
188b6 ཕྱོགས་རིས་མེད་པར་གསལ།། ནམ་མཁའི་མཐའ་མཉམ་གཏེར་གྱི་དབྱིག། དཔག་བསམ་འཁོར་ལོ་རང་འཆར་དང་།། ཀུན་སྣང་གསལ་བའི་སྒོ་མོ་ལ།། གང་ཕྱེ་རིན་ཆེན་དབྱིག་དང་ཕྲད།། ཀུན་གྱི་ངོ་བོ་ཡེ་ཤེས
iiif viewer powered by OpenSeadragon
