| e-texts navigator |
| Wylie |
188a1 རྫོགས།། ཉི་མའི་འོད་དང་སྙིང་པོ་ལྟར།། འཁོར་བ་ཡེ་ཤེས་རྫོགས་པ་ལ།། འབྲས་བུ་གྲངས་འདས་མཁའ་ལྟར་སྨིན།། རང་བྱུང་ཡོ་བྱད་མཆོད་པ་ཡིས།། ལྷུན་གྲུབ་རང་གསལ་དབྱིངས
188a2 སུ་ཐིམ།། ཕྱོགས་བྲལ་ལྷུན་གྲུབ་མཆོད་པ་འདིས།། ཀུན་མཁྱེན་རང་གསལ་ཉིད་དུ་མཉེས།། གབ་པ་མངོན་ཕྱུང་དོན་འདི་ལ།། སོང་ཚུལ་རིམ་པར་ངོས་བཟུང་ནས།། རྒྱལ་ཐབས་སྤྱི་བླུགས་དབང་བསྐུར
188a3 ནས།། སེམས་ཉིད་རིན་ཆེན་རྟོགས་བྱའི་ཕྱིར།། དེ་ཉིད་བལྟ་བས་ཐག་བཅད་བཤད།། དེ་ཉིད་མ་ཡེངས་གོམས་བྱའི་ཕྱིར།། བརྡའ་དོན་ཕྲལ་བའི་མན་ངག་བཤད།། ཅི་སྤྱད་སྟོངས་འགྱུར་འཆིང་མེད་པས།། གླང་ཆེན
188a4 ཆུར་ཞུགས་མན་ངག་བཤད།། ཀློང་དགུ་འདུས་པའི་ཚིག་དོན་སྤྱི།། རྒྱུད་ཀུན་གཏན་ལ་དབབ་པའི་ཚིག། འདིས་ནི་བཤད་པར་བྱ་བ་ཡིན།། ཀློང་དགུ་ལྡེ་མིག་ཕྱེ་བ་ཡིས།། ཉིད་ལ་འཆད་ཅིང་ཉིད་ཀྱིས
188a5 འགྲོལ།། རྩོལ་མེད་ཐེག་ཆེན་གང་ཟག་ལ།། ཚིག་བྲལ་རིག་པའི་འཁོར་ལོ་བསྐོར།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། བཤད་པའི་ལྡེ་མིག་གིས་ཀློང་དགུ་དབྱེ་བའི་ལེའུ་སྟེ།
188a6 གསུམ་པའོ།། །། དེ་ནས་སེམས་དཔའ་རྡོ་རྗེ་དེས།། རྡོ་རྗེ་སེམས་དཔའ་ཆེན་པོ་ལ་འདི་སྐད་ཅེས་གསོལ་བ་བཏབ་བོ།། དུས་གསུམ་སངས་རྒྱས་ཐམས་ཅད་ཀྱི།། སྐུ་གསུང་ཐུགས་ཀྱི་གཏེར་འཆང་བ།། ཡེ
iiif viewer powered by OpenSeadragon
