| e-texts navigator |
| Wylie |
187b1 གསལ་གཟའ་གཏད་བྲལ།། མཐོང་མེད་རང་གསལ་ཡེ་ཤེས་སྤྱན།། གསལ་ལ་མཁྱེན་བསྒྲིབས་མཐའ་དང་བྲལ།། རང་གསལ་རིག་པའི་དབྱིངས་སུ་རྫོགས།། སྤྱོད་བྲལ་ཀུན་བཟང་རོལ་པ་འདི།། རོལ་པ་འགག
187b2 མེད་རང་འཆར་རྫོགས།། མ་བཅོས་སྙིང་པོར་སྤྱོད་པས་ན།། མཐའ་དབུས་མེད་པའི་ཀློང་དུ་རོལ།། རྒྱལ་ཐབས་སྤྱི་བླུགས་དབང་གི་མཆོག། མ་བསྐུར་རང་རྫོགས་ཀུན་ལ་གསལ།། དུས་གཅིག་ཡེ་ཤེས་རིག་པ
187b3 འཆར།། དུས་ཚོད་བླ་མའི་ངག་ལས་བརྟགས།། ཐིག་ལེ་ཆེན་པོའི་དམ་ཚིག་འདི།། རིན་ཆེན་ཀུན་བཟང་སེམས་ལ་གནས།། བསྲུང་དུ་མེད་པའི་དམ་ཚིག་ལ།། མི་བསྲུང་ཕྱོགས་དང་བྲལ་བར་གནས།། ཡེ་ནས་ལྷུན
187b4 གྲུབ་རང་བྱུང་གིས།། ཕྱོགས་རིས་མེད་པར་གད་ལ་ཟིན་པས།། ཕྲིན་ལས་བྱར་མེད་མཐའ་བྲལ་ལ།། བྱར་མེད་རྫོགས་པའི་ཡེ་ཤེས་གསལ།། ཏ་ཀྵ་ཀ་ཡི་ནོར་བུའམ།། འཇིག་རྟེན་འོད་ཀྱི་རྒྱལ་པོ་ལྟར།། བྱིན
187b5 རླབས་ཐུགས་རྗེ་རང་ཤར་ལ།། བརྩོན་པས་བསྒྲུབ་ཅིང་བཙལ་དུ་མེད།། ཡེ་ཤེས་རང་གསལ་ཏིང་འཛིན་འདི།། མ་ཡེངས་རང་གསལ་ལྷུན་གྲུབ་ལ།། བཙལ་ཞིང་ཡེངས་པ་རྣམ་པར་གཅད།། ཡེ་ཤེས་སྙིང་པོ་རང
187b6 གསལ་ལུང་།། མཐའ་དབུས་མེད་པའི་དཀྱིལ་འཁོར་ལ།། སྐུ་གསུམ་རང་ཤར་བསམ་མི་ཁྱབ།། མཐའ་བྲལ་ནམ་མཁའི་སྙིང་པོ་ལྟར།། ཐིག་ལེ་རང་གསལ་རྫོགས་པར་གསལ།། རང་བྱུང་རང་ཤར་རང་ལ
iiif viewer powered by OpenSeadragon
