| e-texts navigator |
| Wylie |
187a1 མཚོ་ལ།། རྩོལ་བས་མིང་དཔོགས་བརྟགས་དཀའ་བས།། ཟབ་པ་མཚོ་གཏིང་ལྟ་བུར་བཤད།། ལྷུན་གྲུབ་རིན་ཆེན་ཕུང་པོ་ཡིས།། རྩོལ་མེད་བྱིན་བརླབས་རང་འཆར་བས།། ནོར་བུ་རིན་ཆེན་ལྟ་བུར
187a2 བཤད།། ཉི་མ་མུན་སྣང་གཅིག་པའམ།། ཉོན་མོངས་ཡེ་ཤེས་གསལ་རྫོགས་པས།། དུག་ཉིད་སྨན་དུ་གནས་ལྟར་བཤད།། རང་རིག་ཐམས་ཅད་གསལ་རྫོགས་པས།། ལྷུན་གྲུབ་བདེ་ཆེན་རོལ་སྣང་བས།། རྒྱ་མཚོ
187a3 ཆེན་པོའི་རླབས་ལྟར་བཤད།། མཚན་མའི་བྱེ་བྲག་ཅིར་སྣང་ཡང་།། མི་འགྱུར་ཆོས་སྐུར་གནས་བསླད་མེད།། ཁ་དོག་ནག་པོ་ལྟ་བུར་བཤད།། རང་བྱུང་མ་བསྒྲུབས་རང་འཆར་ལ།། ཅིར་སྣང་རང་ལས་སྨིན་པའི
187a4 ཕྱིར།། ཤིང་ཏོག་ཨ་མྲ་ལྟ་བུར་བཤད།། རང་བྱུང་ཐེག་པའི་རྒྱལ་པོ་ལ།། ཟིལ་གནོན་མ་བགྲོད་ཀུན་སོན་པས།། མཁའ་ལ་ཁྱུད་འཕུར་ལྟ་བུར་བཤད།། མཐའ་བྲལ་རང་བྱུང་རྫོགས་ལུང་ལ།། མཐའ་ཡི་ཞེན་པ་ཟིལ
187a5 ནོན་པས།། སེང་གེའི་སྒྲ་སྒྲོགས་ཅི་ལྟར་བཤད།། ཀུན་བཟང་འཁོར་ལོའི་རིམ་པ་ལ།། གནང་བཀག་ཡོད་མེད་ཀུན་བྲལ་བས།། ཀུན་བཟང་སྦྲང་ལེན་མེད་ལྟར་བཤད།། ཆོས་ཀུན་རང་རིག་སེམས་ཉིད
187a6 ལ།། སེམས་ཉིད་གདོད་ནས་ཀ་དག་པས།། རིན་ཆེན་གསེར་གླིང་ལྟ་བུར་བཤད།། ཐུན་མོང་མིན་པའི་རྫོགས་ཆེན་གསུམ།། བཙལ་མེད་ལམ་མེད་སྤྱི་གཞུང་ཉིད།། གབ་པ་མངོན་ཕྱུང་མན་ངག་གོ། ལྟ་བ་རང
iiif viewer powered by OpenSeadragon
