| e-texts navigator |
| Wylie |
186b1 ལྟ་བ་གཟའ་གཏད་མེད།། གཟའ་གཏད་བྲལ་འཛིན་ཡང་རྩེ་འཁྲུལ།། མ་བཅོས་ཡེ་ཤེས་རང་གསལ་ལ།། དབྱིངས་དང་ཡེ་ཤེས་འཁྲུལ་པའི་ཆོས།། ཡེ་ནས་རིན་ཆེན་དག་པ་ལ།། དག་པ་གསུམ་གྱི་རྩོལ་བྱེད
186b2 ནོར།། བསྐྱེད་བྲལ་ཡེ་ཤེས་དཀྱིལ་འཁོར་ལ།། བསྐྱེད་དང་རིམ་རྩལ་རྣལ་འབྱོར་ཆེ།། བཙལ་བས་རང་བྱུང་གཏེར་དང་བྲལ།། ཡེ་ཤེས་རིན་ཆེན་ཕུང་པོ་ལ།། བྱིན་རླབས་སྣང་འདོད་རེ་དོགས་ཅན།། རང་སྣང་འཁོར
186b3 ལོའི་དོན་དང་འགལ།། རིན་ཆེན་འཁོར་ལོ་ཀུན་བཟང་འདི།། འགྲོ་དྲུག་རང་གསལ་ཐུགས་ལ་གནས།། གསལ་རིག་འཛིན་བྲལ་དབྱིངས་ལ་སོན།། ཐིམ་གྱུར་གསལ་ནས་མི་མངོན་པའོ།། རང་གསལ་ཉི་མའི་བྱིན
186b4 བརླབས་ནི།། བཙལ་མེད་འོད་ཀྱིས་ཕྱོགས་བཅུར་བརྡ་ལ། ཁྱད་པར་བཅུ་བཞིའི་བཤད་པ་དང་།། ཆོས་རྣམས་སེམས་ཀྱི་ངོ་བོ་ལ།། མཐའ་དང་ལོག་ལྟས་མི་འགྱུར་བས།། རྫོགས་ཆེན་མ་ལུས་ཐམས་ཅད
186b5 ཀུན།། གསལ་བརྟན་རི་བོ་ལྟ་བུར་བཤད།། རྟག་ཆད་མཚན་མ་ཅིར་སྣང་ཡང་།། སེམས་ལ་ཡངས་དོག་ཆོས་མེད་པས།། ནམ་མཁའི་ཀློང་དང་འདྲ་བར་བཤད།། ཆོས་ཀུན་གསལ་སྙོམས་བཙལ་མེད་འཆར།། རང
186b6 གསལ་རིག་པའི་རྩལ་རྫོགས་པས།། མཁའ་ལ་ཉི་ཤར་འདྲ་བར་བཤད།། སེམས་ཅན་སངས་རྒྱས་ལ་སོགས་པ།། བདེ་སྡུག་མ་འདྲེས་རྫོགས་ཆེན་པས།། གསེར་གྱི་ངོ་བོ་ལྟ་བུར་བཤད།། རང་གསལ་མཐའ་བྲལ་རྒྱ
iiif viewer powered by OpenSeadragon
