| e-texts navigator |
| Wylie |
186a1 རྒྱ་མཚོའི་ཀློང་དུ་བཤད།། ཀུན་བཟང་སེམས་ཉིད་སྟོང་གསལ་ལས།། རང་བྱུང་རོལ་པ་མི་འགག་པས།། མཁའ་ལ་གཟའ་སྐར་བཀྲམ་ལྟར་བཤད།། མཁའ་ཁྱབ་སེམས་ལུང་ཀུན་གྱི་མཆོག། ཡིན
186a2 ཕྱིར་སྤྱི་དོན་ལྔ་ཡིས་བཤད།། རྒྱུད་ཀུན་འདུས་པའི་མཆོག་ཡིན་པས།། ཕུན་སུམ་ཚོགས་པ་ལྔ་ཡིས་བཤད།། ཐ་མ་ཤེས་བྱའི་ངོ་བོ་ལ།། ཐུན་མོང་ཐུན་མོང་མིན་པ་སྟེ།། ཐུན་མོང་ཁྱད་པར་གྲགས་ཚུལ་ཉིད།། གྲགས
186a3 པ་གོལ་ཞིང་བསྒྲིབས་པ་སྟེ།། ལྟ་སྤྱོད་ཏིང་འཛིན་དམ་ཚིག་དང་།། བསྒྲུབ་དང་ཕྲིན་ལས་དབང་མཆོད་དང་།། དཀྱིལ་འཁོར་ས་ལམ་འབྲས་བུ་བཅུ།། མ་ཤེས་བདག་འཛིན་གཟུང་འཛིན་དང་།། ཡང་དག་བདེན་ལ
186a4 རིས་འབྱེད་དང་།། ངག་དང་གཉིས་སྤྱོད་གཙང་སྨེ་དང་།། བླང་དོར་སྒྲིབ་པས་བཅིངས་པ་ཀུན།། ལམ་གོལ་ལམ་སྒྲིབ་གོལ་སྒྲིབ་བྱུང་།། ཡེ་ནས་རང་གསལ་གསང་རྫོགས་ལ།། མཐོང་དང་མ་མཐོང་གཉིས་སུ
186a5 ཕྱེ།། ཡེ་ནས་དམིགས་མེད་རང་གསལ་ལ།། བདག་དང་གཞན་དུ་བཟུང་བས་བཅིངས།། སྐྱེ་འཇིག་བྲལ་བའི་རྡོ་རྗེ་ལ།། རྒྱུ་འབྲས་འབྲེལ་བར་བཟུང་བས་ནོར།། དངོས་པོ་གཉིས་མེད་རྫོགས་ཆེན་ལ།། ཐ་དད
186a6 བརྟགས་པ་ལོག་པའི་ལམ།། གཉིས་མེད་རང་རིག་གཏེར་འདི་ལ།། བདེན་གཉིས་ཕྱེ་བས་གཅིག་དང་འགལ།། རང་གསལ་དམིགས་མེད་སྟོང་ཉིད་ལ།། ཡང་དག་བསྒྲུབས་པས་དམིགས་མེད་འགལ།། འཆིང་བྲལ
iiif viewer powered by OpenSeadragon
