| e-texts navigator |
| Wylie |
185b1 གསལ།། དེ་ཉིད་དགུ་ལྡན་སེམས་ཀྱི་གཞི།། རིན་ཆེན་ཕུང་པོ་འཕྲུལ་གྱི་སྒོ།། རིན་ཆེན་ཕུང་པོ་གཏེར་ཁྱིམ་ན།། ཉི་མའི་འོད་ལྟར་ཡེ་ནས་གནས།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ལས།།
185b2 ཡེ་ཤེས་རང་འཆར་གྱི་ལེའུ་སྟེ་གཉིས་པའོ།། །། དེ་ནས་སེམས་དཔའ་རྡོ་རྗེ་དམ་པ་དེས་རྡོ་རྗེ་སེམས་དཔའ་ཆེན་པོ་ལ་འདི་སྐད་ཅེས་གསོལ་བ་བཏབ་བོ།། རྒྱལ་བའི་རྒྱལ་བ་ཀུན་གྱི་མེས།། གསང་བའི་ཡང
185b3 གསང་བྱང་ཆུབ་སེམས།། རིན་ཆེན་ཁང་ལ་སྒོ་མང་དག། རང་གསལ་སྒོ་ནས་རྟོགས་བྱའི་ཕྱིར།། བདེ་ཆེན་རྩོལ་བྲལ་སྙིང་པོ་ལ།། བཤད་ཐབས་བཤད་བྱ་འབྲས་བུའི་དོན།། རང་གསལ་རིག་པའི་དོན་དུ
185b4 རྫོགས།། ཁྱབ་བདག་འཆང་ཆེན་བཤད་དུ་གསོལ།། ཞེས་གསོལ་ཏོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་བཀའ་སྩལ་ཏོ།། ཀྱེ་སེམས་དཔའ་ཆེན་པོ།། ཡི་གེ་མེད་པ་མཆོག་གི
185b5 རྒྱུད།། བྲིར་མེད་ཁ་དོག་དབྱིབས་དང་བྲལ།། ནམ་མཁའི་མཐའ་དང་མཉམ་པའི་རྒྱུད།། གསང་བ་ཀུན་འདུས་གཏེར་འདི་ཉིད།། བཤད་ཐབས་གསུམ་སྟེ་རྫོགས་ཆེན་གསུམ།། གཞི་ལམ་འབྲས་བུའི་ཚུལ་དུ
185b6 གནས།། དགོངས་པ་ཀུན་གྱི་ཞེ་ཕུགས་པས།། དགོངས་པ་ཀློང་རྡོལ་ཚུལ་དུ་བཤད།། མན་ངག་རྩ་བ་འདིར་འདུས་པས།། མན་ངག་ཞལ་ཆེམས་སྦུགས་ལྟར་བཤད།། ཀློང་དགུའི་རྩ་བ་སེམས་ཉིད་ཀློང་།། སེལ་མེད
iiif viewer powered by OpenSeadragon
