| e-texts navigator |
| Wylie |
185a1 མཐའ་དང་མཉམ་སྦྱོར་བས།། ཆེ་ཆུང་ཚད་ལས་འདས་པ་ལ།། འཛིན་པ་ནམ་མཁའི་མཐའ་ཚོལ་འདྲ།། ཕྲ་བའི་ཕྲ་བ་ཉུང་འབྲུ་ཡི།། འབྲུ་ཡིས་མི་བསྐྲུན་ཕྲ་བའི་ཚད།། མཁྱེན་ལྡན་ཡེ་ཤེས་སྙིང་པོ
185a2 ཡིས།། གང་ཡང་མི་མཁྱེན་རང་གསལ་མཁྱེན།། མཐའ་དང་དབུས་སུ་མི་དམིགས་པས།། ནམ་མཁའི་མཐའ་དང་མཉམ་པར་མཁྱེན།། ཡེ་ཤེས་རང་གསལ་རྫོགས་ཚུལ་ལ།། མཐའ་ཡི་སྒྲིབ་པ་རང་གསལ
185a3 བས།། རང་བྱུང་ཉི་མའི་དཀྱིལ་འཁོར་གསལ།། བྱ་བྲལ་རྫོགས་པའི་ལུང་དུ་བཤད།། རང་རིག་ཡེ་ཤེས་མཁྱེན་ལྡན་པས།། གཉིས་མེད་སྙིང་པོར་རྫོགས་པ་རྟོགས།། རང་གསལ་ཡེ་ཤེས་རྫོགས་པར་ལྡན།། རིག་པ
185a4 རང་སྣང་ཉམས་སུ་ཤར།། རང་བྱུང་འོད་ཀྱི་དཀྱིལ་འཁོར་ལ།། འཕྲུལ་ཡིག་རིག་པའི་བརྡ་སྤྲད་པས།། སྐྱེ་མེད་དབྱིངས་ཀྱི་བརྡ་དོན་མཇལ།། བཙལ་མེད་ཚོགས་ཆུང་དོན་པོ་ཆེ།། རང་བྱུང་ཡེ་ཤེས་རིན་ཆེན
185a5 གཏེར།། སྒོ་མང་འཇུག་ཐབས་བསམ་མི་ཁྱབ།། རྟོགས་ན་གཅིག་ཏུ་གནས་པའི་དོན།། རྟོགས་པ་ཐབས་ཆེན་བརྒྱུད་པའི་ལུང་།། རང་གསལ་ཉི་མའི་འོད་ལྟར་འཆར།། མཁའ་ཁྱབ་རིག་པའི་ཀློང་དུ་སོན།། རང་བྱུང
185a6 རིག་པ་རང་གསལ་འདི།། མཁའ་ཁྱབ་བྱང་ཆུབ་སེམས་ཀྱི་ལུང་།། རྡོ་རྗེ་སེམས་དཔའི་ཐུགས་དཀྱིལ་ནས།། རིག་པའི་ཁུ་བྱུག་དགུ་སྒྲོགས་པ།། སེམས་ཉིད་རང་གསལ་མཐོང་བྱའི་ཕྱིར།། ཀློང་དགུ་བམ་པོ་ཉི་ཁྲིར
iiif viewer powered by OpenSeadragon
