| e-texts navigator |
| Wylie |
184b1 བཤད།། དེ་ལྟར་གཉིས་མེད་རྟོགས་བྱའི་ཕྱིར།། རྫོགས་ཆེན་གཞུང་ལ་ངེས་ཐོས་པས།། ཐོས་པ་ཟླ་བ་ལྟ་བུར་བཤད།། དོན་ལ་སྤྱོད་པས་ངེས་མ་ངེས།། སྤང་ལེན་བསམ་པ་སྐར་མ་ལྟར།། ངེས་པར་གསལ་སྙོམས
184b2 འདུ་ཤེས་བྲལ།། བསྒོམ་པ་ཉི་མ་ལྟ་བུ་བཤད།། མཚན་ཉིད་གང་ཡང་མ་སྲངས་པས།། རང་གསལ་ཡེ་ཤེས་སྙིང་པོར་རྫོགས།། གདོད་ནས་སྟོང་པའི་རང་བཞིན་ནི།། འདུ་ཤེས་བྲལ་བའི་དབྱིངས་སུ་རྫོགས།། ཅི་ཡང
184b3 ཡིན་ནོ་གང་ཡང་རུང་།། མ་བཀག་སེམས་ཀྱི་ཁྱད་པར་ལས།། བཀག་པ་མེད་དེ་རང་གསལ་དབྱིངས།། གཅིག་ཀྱང་མ་འདྲེས་ཐ་དད་གསལ། སྣང་ཡང་ཞེན་པ་རྣམ་པར་བཅད།། དམིགས་ཀྱང་བཙལ་བའི་ཡུལ་དང
184b4 བྲལ།། ཡེ་ཤེས་སྙིང་པོའི་ཉི་མ་འཆར།། རིན་ཆེན་ནོར་བུའི་ཁང་པ་བཞིན།། ཅི་ཡང་གསལ་ལ་ཅི་ཡང་མིན།། ཕྱོགས་སུ་མི་སྣང་མཉམ་ཉིད་པས།། གང་ལྟར་བལྟས་པ་དེ་ལྟར་སྣང་།། ནམ་མཁའི་མཐའ་ལྟར་མཉམ
184b5 སྦྱོར་བས།། ཚད་དང་ཟླ་དང་དཔེ་ལས་འདས།། ཉི་མའི་སྙིང་པོ་འབར་བ་བཞིན།། མཐའ་ཡི་སྒྲིབ་པ་བྲལ་བའི་ཚད།། ཡེ་ཤེས་གསལ་ལ་མི་འགག་པས།། ཕྱོགས་ཀྱི་ངེས་པ་མི་གནས་པར།། ཅིར་ཡང་ངེས་པར
184b6 འཆར་བའི་ཕྱིར།། འཕྲུལ་གྱི་མེ་ལོང་གསལ་བའི་ཚད།། སེམས་ཉིད་རིན་ཆེན་ཀ་དག་ལ།། ཞེན་སྣང་བཏགས་པ་ཀུན་བྲལ་བས།། ཉི་མ་འབུམ་གྱི་འོད་ཟེར་བཞིན།། རང་ལས་བྱུང་བ་རོལ་བའི་ཚད།། ནམ་མཁའི
iiif viewer powered by OpenSeadragon
